MEC Kentucky, USA Awnano nôpawpazy thlahchhâna nata ahawna hawhta ta atanoh kha Puhpa Beirôkhu Beitâ, I & PO, MADC ta Saikao lâ siepa ta Pihnô Vaili hnoh ta a hlâ.
Citation chhôh liata bie ama rohpa ary liata palâsapa a châ:-
“Eima Pihnô Vaili y, ngiaryh chhih kawpa England râh tlaichhai leipa ta Zisu Krista Kyhpachâna, Pachhana thâtihpha maniah nama chho hleikhô ta atahmâ taihta eima hry liata maniah na ypâ chypa vâta alynabie eima cha hlâ.”
“Atahmâ cha America râh, Kentucky State, Bowling Green khihpi liata Krista vyuhpa ta lyuhchâpa châ hra awpa ta Mara Evangelical Church of Kentucky tahpa eima vaw y haw hrapa he Khazohpa ngiachhiena nata nama chhôhkha zy saiheina, riethei pasa nama taona zawhzi vâta a châ tahpa he pahnopasia pi ta, alynabie eima cha hlâ.”
Pihnô Vaili nata vahpa Rev. L. Mark zy ta MEC Kentucky zy hnoh ta alynabie reih ei ta, MEC Kentucky Awnanopazy ta Khazohpa tawhta sapa nata thlahpa byhnâ hluhpi ama vaw to thei nawpa ta byhnâ ama awpa hra.
Puhpa Beirôkhu Beitâ he a hrialâhpa Puhpa L. Khai-u nata St. K. Nehemiah zy ta hmosai piepa hlâna lâ ama zi hra.
MEC Kentucky, USA Awnanopazy hmopha taopa he a rônah hmeiseih; Khazohpa ta byhnâ reitiah lei vaw pie mawh ei sy.
(Admin, MNN.)