SAIKAO, 10 Pamih, 2021 – Eima pahnopa hawhta atanoh, thlanoh 10 Pamih 2021 (Pakhynoh) he eima râh py laipa hryta miakha Mara Chanô Py (MCHP) duanoh ei 26 tyh heihna a châna hawhta Saikao MCHP Branch chhao chhô nata zâ ta huasua kawpa nata âtluatlâ kawpa ta hmâpa a châ hra.
Section sâ 3 Pinô Ngôny, Pinô C.Seina nata Pinô Tlôsainô tahpa ta pachhaihpa châ ta, lá chi nano nanopa nata pho hla paryhpa ta MCHP duanoh he palyupalihpa a châ.
A eihrâhpa ta khichhailaipa hrua leipa ta MCHP â vaw dua tawhta President vaw châ tua chaipa Pinô L.Ngôpy nata mohropa President vaw châpazy biereina piepa ama châ.