AIZAWL, 11 Pamih, 2021 – Pheisaih Sawhkhâ adyuhna vâta buana & atyhreina chata Myanmar râh cha paruna lâ pangai rili pa aza lyu. He hawh ta a châ haino ta Mizoram liata Myanmar police a zâ râ parupa nata civilian a vaw ngiapa zy ama y chhi lymâpa za lyu hra ta.
Mizoram Chief Minister zachhih kawpa Puhpa Zoramthanga chata, he Myanmar tawhta azâ râpa zy he ‘Mizo zawpizy ta eima vaw chaku-chavei ei aw’ tahpa cha Assembly Session liata a phuah hleikhô ta, ano a pakyhtuhpa Journalist zy hnohta chhao a reih.
Rangoon nata Mandalay Zawpi zy hry liata chhao Puhpa Zoramthanga chô liata alynabie reina Placard zy nata âno Nothlahpa kiapa zy Zawpi hryta hmôthei awpa a y.
He hawhta a châ haino ta, India sawhkhâ deikua chata Myanmar tawhta Refugee a vaw ngiapa he paryhsa theileipa ta, a vaw ngia hawpa zy chhao paphao lilawh â chhuah zie biethâh a y holopa a châ.
Târi 10.3.2021 liata Mizoram CM zachhihpa hmahlana ta Union Home Minister Amit Shah cha ta, Mizoram CM Puhpa Zoramthanga bie a kaw chho pata; Myanmar tawhta Refugee ta Mizoram liata a zângiapa zy cha paphao lilawpa ama châlei awpa zie a kaw chho haw. Zawpi zy thlahchhâna Khazohpa ta a chyh-eipa ta â lâ.
Dr. Sasa chhao ta CM hnohta alynabie a reih.
(Source: MNN WhatsApp Group)