SIAHA, 12 Pamih, 2021, Chutynoh (MNN) – Atazâ kha Machâ S. Pawkhei, ECM Local Church: College Vaih North Awnano Hyutuhpa ta ECM KTP Branch: College Vaih North Hlapy zy ta music video( single) “Na chakaona patlô teh” cha zawpi mo thei awpa ta ECM College Vaih North Achhyna O liata a palâhâh.
He palâhâhna he Puhpa Laitha Chozah, President(KTP) ta chhihtha ta, Puhpa V. Pachha, Secretary (KPP) ta devotion a hmâh. L. Beipawkhai nata C. Vabeikhokhei zy ta mo pakha hla sa chakaona hnei ei ta, Joel V. Hlychho, Secretary (KTP) ta Video thâtih reina daihti a hmâh.
Machâ Enock Hlychho, Adviser(KTP) nata Machâ S. Pawkhei, apalâhâh tuhpazy ta biereina chyupa hnei ei ta, daihti chhâna lâ liata LC. Vabeiraronachai, Asst. Secretary (KTP) ta alynabie reina dahti a hmâh.
He palâhâhna programme he ECM College Vaih KTP Secretary nata Asst. Secretary ta ahmâ khei ei ta, ECM Edenthar KTP tawhta President nata Secretary zy ta, hruapa ama châna hawhta ama hmâkhei hra.
He music video he Puhpa Beihrosia Syuhlô, Finance Secretary, ECM KTP Branch: College Vaih North ta a tao mâ zydua â vaw tôhpa châ ta, Local TV nata YouTube liata mo thei awpa ta thlai so achhuahpa a châ.
(Admin, MNN.)