SIAHA, 12 Pamih, 2021 – Atazâ liana kha ta NSV Studio siepahliepa ta kô 2020 chhôhta Mara reihta châbu a puapa hryta pha chaipa châta, Puhpa L.Beimokhai ropa, EI KUZÔ tahpa cha atlyhpa a châ.
Mara Writers’ Club (MWC), Siaha ta a kô 7-na châta ama pachhuahpanohpa, Mara Book & Magazine of the Year 2020 Result Phuahna nata Lymâ raina cha Chutyhzâ dawh 6:30Pm-pa ta, NSV Studio, New Colony, Siaha liata pachhuahpanohpa châ ta; Puhpa Beimozachhi Chozah, BDO, Siaha RD Block ta he daihti he Khichhailaipa châpa ta â hmâkhei.
He daihti he Laihsa T.Cassidy ta âhlâhlô kawpa nata, thai kawpa ta chhihthapa ta, Rev KT Beizangâ, CCI(M)ta Daihti pavaosana thlahchhâ ta, Khichhailaipa Puhpa Beimozachhi Chozah tawhta Reih pabohsana nata, reih palaiseihsa a kyh bie pha kawpa nahthliepa a châ.
MWC Book & Magazine of the Year 2020 Result Phuahna nata Lymâ Raina liana heta, Laihsa NT Mikhali nata Puhpa John Beizachhi Phuto zy ta hlâta zawpi ama palôhpahawh
MWC Book & Magazine of the Year 2020 liata Lymâ daotuhpazy nata, Mopakha/py Award daotuhpazy cha he hawhna heta ama châ:
Book of the Year 2020 – Ei Kuzô by L.Beimokhai
2-na : He Lei Hro by Pachi Hlychho
3-na : Phurie by Robert B.Syuhlô
Mara Magazine of the Year 2020 – NOHZUAH – MCHP Silver Jubilee Souvenir
J. Vialua Award 2020 – John Beizachhi Phuto
S.Hrachu Award 2020 – The Times of Maraland
A.Zakia Award 2020 – Rev Dr LAIU Fachhai
(Admin, MNN. Source: MWC: Siaha)