SIAHA, 20 Pachawh, 2021 – Nochhi lâ ta eima unawh nahzy, ama râh buana vâta abohna tluapa ta eima râh lâ azâ râpazy deichhyna châta târi 16 Pachawh(April), 2021 pa ta Maraland for Myanmar tahpa ta DZ tlâh, New Siaha liata Charity Concert hneipa châ ta, he liata sôh hmôpazy atanoh kha MTP General (Gen.) Headquarters (HQ) Opi liata hlâpa a châ.
Phusâ hlâpa he Rs. 26,250/- a châ.
He apachhuahpanoh tuhpa he Charity Concert Organising Board (Huasua Net Media nata Maraland Rock Society) zy châ ei ta, abuakhei tuh chaipazy cha Huasua Net Media zy ama châ.
He sôh he Pihnô Patricia T. Azyu, Chairman, Charity Concert Organising Board ta Puhpa Pakhaw Choza, General Secretary, MTP Gen. HQ hnoh ta a hlâ.
Eima râh liata abohna tluapa ta azupa eima unawh nahzy mohôh nawpa châta sôh thih athyu thei awpazy cha Welfare tly ma, py tlyma liata pangia leipa ta, âraohâh kawpa ta rairuahpa a châ thei nawpa ta MTP General Headquarters liata thyu lymâ awpa ta MTP General Headquarters ta zawpi lâ ahawna a taopa cha zawpizy ta eima zyhpha kaw vâta MTP General Headquarters ta Mararâh zawpi lâ alynabie a reih.
(Source: Beirokhu Beita, Secy. i/c Info & Publicity, MTP Gen. HQ: Siaha)