SIAHA, 23 Pachawh, 2020 (MNN) – Environment & Forest Department, MADC ta Palâ Tipo pabohsana nata mohôh n’awpa ta hmah ama lana sie lymâpa ry liata, Mara Writers’ Club, Siaha chata, târi 23 Pachawh, 2021 khata zâkha a riepa ta Palâ Tipo ama tly.
MWC heta E&F Dept., MADC nahta ahrialâhpa ta, Palâ Tipo a ngiana, chhikaopipa (Gate) chavei nata chachâh liata Mara reih pabohsana lâchhâh aheihpa Signboard nata, Palâ Tipo pabohsana lâchhâh aheihpa Signboard tawhta ama hnei.
MWC ta Palâ Tipo ama tlyna liana heta, President Puhpa FC Chhuasa hleikhôta, Secy Puhpa Robert B.Syuhlô, Puhpa Angel BN Khailôchhô, Asst.Secy, Laihsa Ngiachhie Nôhro, Treasurer, Satlia Abie Nôtlia, Fin.Secy, Puhpa Aaron Chhâchhai, Info Secy., Laihsa Dancy Khithie, Executive Committee Member,
Puhpa Goldie J.Lailymâ, Executive Committee Member,
Pihnô Felina Khaimeichhô, Member zy chhao sie thei ei ta; Phurâ liata zâkha amâ rie tawhta, zâhnia târi 24 Pachawh, 2021 zâ dawh 7:00-pa khata Siaha ama kaw tlô ha heih.
MWC chata, Palâ Tipo ama tlyna kyh liata E&F Department, MADC ry liata a hriapa, Phurâ FRO, Puhpa B.Hleisâ nata a hrialâhpa zydua chô liata alynabie reih hmeiseihta, tlôkiana pha kawpa nata, pati pahâh kawpa amâ chhuahnohpazy, aly thapha kawpa nata daodo kawpa ama vaw deichhyna kyh liata amâ lyzie ama rei.
- Source: MWC, Siaha