SIAHA, 2 Patô, 2021 (MNN) – Siaha District tawhta VESTIGE (network marketing company) liata ama hriapasana vâta thlachareih ta Car Fund a dao thei hapazy ta ama Car Fund sôh pachôpa ta Bolero amâ chalei raihrie haw. Chanazy cha:-
- Pihnô S. Ngodei, New Siaha
- Pihnô Melody Zothanzuali, New Siaha
Âmo pa 2 zy MADC liata sawhkhâ rai hriapa raihrie châ ei ta, ama sawhkhâ rai hriana chô ta part time ta Networking Business he a taopa ama châ.
VESTIGE he network marketing company châ ta, Natural Personal Care, Essential Commodities, Water Purifier, Home Care, Cosmetics, Ayurveda, Health Food, Agri. Product, Health Supplements etc. zy y ta, ama product chalei awpa ta cha member châ tua byuh ta, member zy siepahliepa ta a chaleipa ama hluh khiah member zy chata point hmô ei ta, ama point â sâh lymâ khia Crown Director taihta kiah theipa ta thla to ta hlao awpa ama hnei hleikhô ta Car chalei nawpa châta Car Fund taihta ama dao theipa a châ.
Pihnô Ngodei nata Pihnô Melody zy he aparu lâ ta chyhsa hriapasa ngaitapa châ ei ta, network marketing business a taopa zy hry liata vâhnei patluapa ama châ tah leitheipa châ vei.
Network Marketing Company thokha – Pugos, Viva, Modicare etc. zy chhao eima râh liata y hôlô ta, VESTIGE a hlao tloh chhâna a châpa ta pangiasapa deikua product hnei hluh ei ta, a mâ a nao vâta a châpa ta pahnopa a châ.
Network Marketing Company apazao khohpazy cha member a châ ngâhaipazy asaohiah awpa a châ.
Pihnô Ngodei nata Pihnô Melody zy, eimâ ly khei ngai ta. Hmialâ a ma sie lymâ nawpa liata khokheina sâh chaipa eima hlâ.
(Admin, MNN.)