AIZAWL, 13 Chhiepa, 2021, Pahânoh (MNN) – Chhuanthar, Baktawng, Mizoram liata ama hyutuhpa Zionnghala (Ziona) cha atanoh zâlâ kha ta Trinity Hospital pangai kheipa châ ta, a asu ama tlôkheipa cha a vaw thi haw.
A thi daihti he dawh 3:00 PM chhaichhyh a châpa ta pahnopa a châ
Puhpa Ziona he kô 76 uhtheipa châ ta, thisaih sâhpa nata thisaih thlôhpa pasazy a hneipa a châ.
Ano he kô 72 a tlohna Birthday liata arônah kawpa ta alypa châ ta, he tawhta Khizaw pi ta pahno vaw hlao via pachai heihpa ta pahnopa châ ta, Baktawng lia he ta BBC chhao ta amâ vaw pakyh hapa a châ.
Ano he Khizaw pôpalôhpa liata chhôhkha hneihluh chaipa hawhta pahnopa “world’s largest existing family” World Record a taopa a châ ngâhai chy.
Wikipedia (World’s encyclopedia) ta Puhpa Ziona thâtih a record dâh:-
- Lahpi – 39
- Saw – 94
- Myuh – 14
- Samoh – 33
- Sahlâh – 1
- Chhôhkha – 181
(Admin, MNN. Sources: DIPR, Mizoram, Wikipedia)