SIAHA, 17 July, 2021 – Khizaw ta âtymâkheipa hripipa COVID-19 vâta Awnanopa zawpizy thlazoh leipa ta, Sawhkhâ nata khitlâh mohôhtuhpa zy hmahlana kyh liata hrialâhtuhpa nata hlao patlohkheituhpa châ chyu awpata, Reingiahpa ta, 0chhôh tlôh hluh ta, hmia-pahlyna hmâh lymâ ta, chyhsa hropa a hlâpa ta y lymâ awpata Awnanopa zawpi zydua eimâ pahnosa chanei.
Mizoram Kohhran Hruaitu Committee [MKHC] Aizawl, Executive Committee Meeting, July 2nd 2021 ta khizaw hripipa charei haipa nata Mizoram râhri âtymâna nata Myanmar râh âtymâna kyh liata Râh pôhpalôhpa Thlahchhâna hnei awpata vaw pahrua heih ta, He daihti he ECM Awnanopa chhôh tozy Thlahchhâna daihti avaw hmâh hra awpa ta maniah ama haw.
Mizoram pôhpalôhpa Awnanopa zawpi/chhôhto zyduata âraohpata Thlahchhâna daihti July 18th 2021 [Abeipanoh] zâlâ dawh 7:00pm ta hnei awpa châ awta, ZONET nata LPS siepahliepata MKHC chhihthatuhpazy ta TV nata YouTube Live Streaming hmâpata chhihtha aw eita, he daihti liata ECM chhôhto zydua chhaota Thlahchhâna avaw hmâh chyu hra awpata hruapa nata pahnospa eima châ.
He daihti hleikhô ta Mydi Thlahchhâna lia chhaota he Thlahchhâna biepipa he namâ vaw thei pazi lymâ chyu awpa ta a hawpa nata pahnosapa nama châ.
Khizawta daihti ru ngaitapa eima tyh haipa he Awnanopa zawpi zy thlazoh leipa ta, ato taotuhpa Paw Khazohpa hnohta eima ngiahpazy tlôkhei lymâ suh vy.
THLAHCHHÂNA BIEPIPA:-
1). Alynabie reina nata Molei reihpha cheina.
2). COVID-19 hripipa charei haipa a vaw pai thei nawpata.
3). COVID-19 vâta tlâh leipa ta mohôhtuhpa zydua châta.
4). Mizoram nata Assam râhri âtymâna he pathlâpazipa a châ thei nawpata.
5). Myanmar rah âtymâna a vaw pai thei nawpa nata zawpi ârâpaipa châta.
Sd/- Rev. VL Ngaia Hlychho
Senior Executive Secretary
Evangelical Church of Maraland,
Assembly Office, Siaha.