LAKI, 27 August, 2021, Chutynoh (MNN) – Puhpa T. Seidô, MDC, Laki Biatuhpa atliata liata MADC ta Deputy Chief Whip chakaona rai ama pie thiehpa cha Laki V/C-II ta amâ lykhei kaw hrapa vâta atanoh dawh 1:00pm khata Villaga Council-II Court House, Laki liata ‘Alykheina Programme’ hneipa châ ta. Dy. Chief Whip thiehpa he a viasanô Pihnô HC. Nanô, Puhpa Beihu Nôhro, Tipa ‘V’ (ExCo member, BJP Hqrs, Siaha) zy nata Khôpai tawhta nôpaw thokhazy ta ama vaw zi hra.
He alykheina programme liana heta Puhpa B. Pasia, Ex-MDC, Laki, V/C-I members, MTP OB, MSO OB nata MCHP OB nahzy hleikhô ta khihtlâh nôpaw thokhazy chhao hrua-eihpa ama châna hawhta amá hlao thei chyu hra. Bierei pha kawpa hleikhô ta hlasathaipa zy tawhta hla pha kawpa zy taihta nahthliepa a châ hra (hlasathaipa zy he a mohta ta Biatuhpa viasanô ta lymâ a hlâ chyu hra ei). Alykheina Program hmâ khaipa a châ tawhta Mc. C. Kisa ta Thlahchhâna ta daihti pachhâsa ta zâpati pahâh kawpa V/C-II ta a pachhuahpanohpa cha aly thapha kawpa ta dôhpazipa a châ.
Dy. Chief Whip he mylâ V/C-I ta Gramsabha meeting a pachhuahpanoh awpa liata Khichhailaipa (Chief Guest) châta hruapa a châna hawhta a hmâkhei heih hra aw.
(Source: Hmingthan Kibaw)