Charity Concert for Myanmar hlaotloh kawpa ta hnei patlô

SIAHA, 25 Thlarâh, 2021, Pachynoh (MNN) – Zâ 2 chhôh ôpa ta hneipa Live Charity Concert for Myanmar cha NSV Studio Local TV tawhta nata Youtube Maraland.net channel siepahliepa ta  Live Broadcast piepa ta hneipa châ ta, a hlaotlo kawpa ta pahnopa a châ.

He Live Concert he ticket chaleipa ta hneipa châ leipa ta, online – Google Pay nata Net Banking siepahliepa ta piepa châ ta, zâ 2 liata sôh hmôpa a vaw ngia chiehpa cha Rs.3,28,000/- hlei a châpa ta report daopa a châ.

Zâ 1-na, târi 23 September, 2021, Pobieh zâ liata Puhpa John Beizachhi Phuto, Chairman, Maraland Entertainers ta Host châ pâpa ta chhihtha ta, Rev. Lalchhuankima, BCM Siaha East biatuhpa ta pavaosana thlahchhâna daihti hmâh ta, Puhpa PP. Zalena, President, MTP Gen. HQ ta biereina chyupa daihti a hmâh.

Zâ khana zâ liata Artiste hla asapazy:-

1. Dinai C. Lalruatdiki
2. Pachho Notlia – Chi aw vana
3. NT. Vabeido – Kie Nônô
4. David Lai – Thank you Lord
5. Jessica B. Khuhly
6. John Beizachhi Phuto

Zâ 2-na, târi 25 September, 2021, Pachyzâ liata Satlia MC. Beihrohmô, College Vaih ta pahnie kawpa ta a Host ta, Rev. B. Beilua, Moderator, ECM HQ ta pavaosana thlahchhâna daihti hmâ ta, Pihnô P. Chaki, President, MCHP Gen. HQ ta biereina chyupa daihti a hmâh.

Zâ nona zâ liata Artiste hla asapazy:-

1. Damari P. Hlychho
2. Pachho Notlia
3. Dinai C. Lalruatdiki
4. Chhingpuii Azyu
5. Abisaki Hlychho
6. NT. Vabeido
7. John Beizachhi Phuto

He Charity Concert for Myanmar he Maraland Entertainers zy ta ama pachhuahpanohpa châ ta, sôh a vaw tlohpakhypazy he MTP General Headquarters siepahliepa ta Myanmar râh buana vâta abohna tluapa ta eima râh lâ azupazy hnoh ta pie awpa ta apachhuahpanohpa a châ.

Baona piena daihti he târi 30 September, 2021 taihta pahy via chypa châ ta, ary liata palâsapa liata pie theipa a châ:-

BANK ACCOUNT TRANSFER (NET BANKING):

Name of Bank – State Bank of India
Name of Branch/Address – Siaha Bazar Branch, Siaha-796901, Mizoram, India
Account Holder – John Beizachhi Phuto
Account No. – 20062941617
IFSC Code – SBIN0005822
Swift Code – SBININBB477

GOOGLE PAY:

1. Pachho Notlia – 8414876816
2. Dinai Lalruatdiki Chinzah – 8974210315

Zâ 1-na Video link – https://www.youtube.com/watch?v=Azs0Ca3Ukuc

Zâ 2-na Video link -https://www.youtube.com/watch?v=OD4cvqXOtiM

(Admin, MNN. Source: )