SIAHA. 2 Chhiepa, 2022, Pobienoh – Atanoh my dawh 10:30 Am pa ta MADC Session Hall liata Deputy Chairman atlyna hneipa châ ta, MNF & INC Joint Legislature tawhta Puhpa M. Manasia ta vote 12 hmô ta, BJP tawhta achhu tuhpa Puhpa T. Seido ta vote 12 hmô hra ta, amâ kho hapa vâta Puhpa N. Viakhu, Chairman chata CCB Rules ta biehneina a piepa hawhta casting vote hmâpa ta Puhpa M. Manasia cha atlypatlohpa a châ tahpa a phuah.
He khai tawhta Puhpa HC. Lalmalsawma Zasai, Deputy House Leader nata Puhpa M. Laikaw, opposition Leader zy ta Dy. Chairman thiehpa alykheina biereina chyupa hnei ei ta, Puhpa M. Manasia, Dy. Chairman thiehpa chata alynabie reina hnei ta, House zachhihna pabohsa lymâ â chhuahzie chhao a reih hra.
Puhpa N. Viakhu, Chairman ta atanoh Session he bitaihpa y leipata dawh 11:00 Am liata a pachhâsa.
(Source: I & PO, MADC, Siaha)