SIAHA, 30 Thlazoh, 2022, Hriaheinoh – Atanoh my dawh 11:00 Am pa liata MADC Officers Association (MADCOA) ta ama member lâhpa Puhpa JT. Topa, Sr. Accounts Officer, târi 31.8.2022 pa ta superannuation pension ta a pua awpa vâta pathliena daihti ama hmâh.
Puhpa JT. Topa he atahmâno Mumbai liata thohna â mohôh ngâhaipa vâta ano pôhpa a y leina chô ta MADCOA ta a tao tyhpa a pahrâna O, New Colony-IV liata a lahpinô Pihnô T. Vangia chhao ta programme chyupa ahmâpa a châ.
Programme he Puhpa JB. Chozah, Vice President ta chhihtha ta, Puhpa Pheiki Solo, President ta pathliena bie nata khokheinabie reih ta, Puhpa JH. Beihnai, Secretary ta MADC liata a vaw hriana thâtih tlâhpipa reina hnei ta, Pihnô N. Elizabeth, Treasurer ta MADCOA vyuhpa ta pathliena châta Rs.50,000/- a hlâ.
Puhpa JT. Topa vyuhpa ta a lahpinô Pihnô T. Vangia ta alynabie reina hnei ta, MADCOA zy byhnâ a awpa hra.
Zawpi thlahchhâna hnei khai tawhta pathliena programme he pachhâsapa a châ.
Pathliena programme he O lâ ta taopa a châ vâta MADCOA member zydua ahlao thai’pa châ lei ta, OB & Executive Member zy dei ngâlâh ahlao awpa ta ryraopa a châ.
Puhpa JT. Topa he kô 1979 pa ta MADC liata sawhkhâ rai vaw hria pathao ta, atakô 2022 liata superannuation pension ta puapa ta kô 43 chhôh tlai MADC liata a vaw hriapa a châ.
Arohtuhpa:
~ BeiRôkhu Beita
Executive Committee Member
MADCOA, Siaha.