CHAKHEI, 25 Hmypi, 2023, Pachynoh – Atanoh my dawh 11:00 Am pa ta kô vâropi ta Chakhei khihsawzy ta ama vaw teipa nata amâ ngiatiah lei kawpa Class-X (HSLC : High School Leaving Cerficiate) Examination Centre cha Puhpa T. Chatlua, Addl. DPC, Samagra Shiksha, Siaha District, Siaha ta aly kawpa ta a pahy.
Puhpa T. Chatlua chata biereina chyupa hnei ta, Chakhei MTP Sub Headquarters he ano Headquarters President a châ daihti liata ano ta pahy ta, tahmâ EO/DPC arypaoh leina vâta ano ta HSLC Exam Centre a pahy heih theipa cha â lyzie reih ta, Chakhei liata HSSLC (Class-XII) Exam Centre chhao pahy awpa a châ ti ta ano pyly ta pahy heih thei awpa â hnabieseih zie a reih.
Târi 27.2.2023, Hriatuanoh tawhta Class-X Exam pathao awpa châ ta, he pahyna programme liata he Chakhei Centre liata a exam awpa Schools – Zate Memorial School, Chapi nata Sanghe High School, Siata zy tawhta Students zydua ahlao thei hra ei ta, ama Headmasters & Teacher nahzy chhao amâ hlao hra.
Gov’t Chakhei High School paduana nata noh/târi peimawhpazy:-
- Established – 06.01.1971
2. Permission – 01.01.1975
3. Deficit – 01.01.1976
4. Provincialised – 01.11.1994
5. HSLC Exam Centre Permission – 25.07.2022
Chakhei Class-X Exam Centre thiehpa alyna châta Seitôhpa nata Vao thiepa châ ta, alyna programme chhâ tawhta zawpi ta alyna kyhchhi dôh chyupa a châ.
(Written by BeiRôkhu Beitâ, Admin, MNN)