SIAHA, 3 Thlarâh, 2023, Abeipanoh – Zâhnia târi 2.9.2023, Pachynoh kha ta Siaha District Football Association (SDFA) nata MTP zy chhao ta Thosai khih Playground liata Artificial Turf phaw haipa cha, Puhpa T. Seido, Hon’ble EM i/c Sports and Youth Services etc. MADC chhithana ry liata a su za tlypa a châ.
He Artificial Turf phaw haipa he SASCI Scheme tawhtahpa châ ta, ama raihriana kho a khi leipazy reina a y vâta asu cheingei tlôpa ta mopasiana hneipa châ ta, kho akhi leipazy cha zôpha viapa ta tao awpa ta ahawna taopa a châ hra.
He Playground he Gallant Sports & Infra. Pvt. Ltd. zy ta ama hriapa châ ta, atahmâ he 60% rai patlô hapa châ ta, October 2023 liata pahy achhuahpa a châpa hawhta bie daopa a châ.
(Source: MADC I & PD PRESS RELEASE
NO. 118/2023)