SIAHA, 7 Di, 2023, Pobienoh – Atanoh dawh 1:00 Pm kha ta Mara Autonomous District Council Officers’ Association (MADCOA) zy ta ama member-lâhpa Puhpa Pawbi Chozah (L) taokheina programme ama hmâh.
Programme he MADCOA President Puhpa JB. Chozah, Sr. EO (MS) ta chhihtha ta, Secretary Puhpa JH. Beihnai, S&YO ta pavaosana thlahchhâna a hnei.
Vice President Puhpa Vabeikheihmo Solo, S&CO ta Moment of Silence (1 minute) ahmâpa liata thlahchhâna a hnei khai tawhta chhôhkha lâ thlalôhna bietana a reih pazao.
Treasurer Pihnô N. Elizabeth, DS (Fin.) ta MADCOA vyuhpa ta taokheina sôh hlâna a hnei.
Chhôhkha lâ tawhta Pihnô C. Ngobao ta biereina chyupa daihti a hmâpa liata Puhpa Pawbi Chozah (L) thâtih tlâhpipa reina nata alynabie reina a hnei.
Puhpa Pawbi Chozah (L) Executive Engineer (EE), PWD a rai hriana Department tawhta Puhpa A. Viahra, SE ta PWD liata a hrialâhpazy vyuhpa ta pasaileina bie nata Department liata a raihriana thâtih tllâhpipa reina hnei ta, MADCOA Adviser Puhpa K. Chhihrau, Executive Secretary, MADC ta Puhpa Pawbi Chozah (L) nahta rai ama hrialâhpa thâtihzy nata a pasai leina bie zy reina daihti a hmâh hra.
Taokheina Programme he zawpi thlahchhâna ta pachhâsapa a châ.
Puhpa Pawbi he kô 2014 tawhta pasana vaw hnei pathao ta, vâduachhih kawpa ta târi 23.11.2023 kha ta MGC Hospital, Siaha liata a pahâ ta, târi 24.11.2023 kha ta a liahri tlona Chapi khih liata pabupa a châ.