SIAHA 15 May, 2024 (MNN) — Mizoram Board of School Education (MBSE) ta Py 10 – HSLC results Târi noh 14th May 2024 ta apapuapa liata Mara laihsa Ls. Didi Rambawithim (Chozah), D/o Puhpa Thetni Chozah cha Science subject liata 100 full marks liata 100 marks hmôpa ta Topper a châ hleikhô ta, Distinction liata passed ta subject zydua liata Letters a hmôkhai. Apalaikhei pi ta, eimâ lykhei ngaita kaw.
Ls. Didi he St. Joseph’s Higher Secondary School, Aizawl tawhta py 10 he a vaw chu patlôpa châ ta; a paw Puhpa Thetni (Didi Paw) he Nochhi Mararâh apuapa, Tisi khihpa a châpa ta pahno pi ta, Myanmar democrazy a vaw châ pakhua thei n’awpa liata tôhpi aphia haipa CNA/NCF liata spokesperson nata châna peimawh kawpazy apatu ngâhaipa a châ.
Ls. Didi hlaotlohna rônah ngaita kawpa a vaw topa he a paw he râh châta rai buana vâta daihti chhao hnei tu leipa ta, a nô Pihnô Didi Nô ta sawzy a mohôh phana vâta chhao a châ tah leithei ma pi, eima reithai hmeiseih; he hlaotlohna he apalaikhei pi ta, eimâ lykhei ngaita kaw ei.
Abeipa ta a sie laih lymâ n’awpa liata ypâ sala, hrôbieh sala, byhnâ pie via lymâ mawh sy!!