SIAHA, 10 July, 2024 — Zâhnia târi 9.7.2024, zâ dawh 7:30 PM pa ta MSO Gen. HQ ta NSV Studio, New Colony, Siaha liata MSO Kôphuahpa ‘Adona nata Ngâchhihna’ tahpa biepipa pahyna daihti ahmâpa a châ.
He pahyna daihti liata Pihnô Lalmuanpuii, Sr. LAO, MADC, Siaha cha khichhailaipa (Chief guest) châpa ta, daihti maniah a hmâkhei.
Programme he Satlia S. Arona, General Secretary, MSO Gen. HQ ta chhihtha ta, Satlia Francis Bohia, Secretay i/c Games & Sports ta Abeipa lâ ta eima daihti zy pavaosana a hmâh. Elson Eliasah Notlia, President MSO Gen. HQ ta zawpi âvaw hlao pazy âlypangiana daihti ahnei pazi.
Pihnô Lalmuanpuii, Sr. LAO, MADC, Siaha (Chief Guest) ta biereina hnei ta, Adona nata Ngâchhihna he eima Mararâh nata India râh chhao ta eima peimawh kawpa achâ zie reih ta. Students avypazy hnohta adona nata ngâchhihna palôh phaona chô ta, tiama kawpa ta achupazy he hlaotlohna phapa ama to tyh tahpa ta pasyuna bie a reipa ei.
Puhpa Beihruasia Miehlo, Secretary Kôphuah Board ta MSO Gen. HQ chhihtuhpazy zawpi lata hmia pahnosana hnei ta. Kôphuah Board ta hmahlana a hneipazy nata hmahlana ama hnei pazi awpazy chyusia kawpa ta reports piena daihti a hnei hra.
Eima daihti chhôh heta Laihsa Zarzomawii ta hlasana hmâpa ta, zawpi avypazy maniah palôpahawh ta, a chô liata MSO Gen. HQ ta alynabie eima reih hmeiseih.
Daihti chhâna lâ liata Laihsa TT. Sabina, Executive Committee Member, MSO Gen. HQ, Siaha ta Vote of thanks reina hnei ta, he khai tawhta Zisu thlahchhâna reiparaohp ata daihti pachhâpa a châ.
Issued by:
Mara Students’ Organisation
General Headquarters
Siaha.