SIAHA, 30 July, 2024 – Siaha District Fooball Association zy ta a khaih lei pa-ysa leipa ta, kôtota ama pachhuahpano tyhpa India râh ta Khohtalaina a hmôna noh, alyna miakha châ ta ama hmâ tyhpa Football Tournament pasôhchhihchaipa I-Day 2024 cha, Puhpa Pakhaw Choza, MTP(H) President ta chapie-pahy (kick off) ta, Puhpa Pakhaw cha ta Mara râh liata a pahrâpazy pikhei-thaina ( talent ) eima hneih pha zie zy, eima tao hapa liata cha tohpi phia lymâ tyhpa ta, eima râh nata pho châ ta keih chahkâ rili awpata thyutliapa a ypazy hnota bietana reih ta, tawhta paritheipa sei liata a tâh thlâhthli thlâh haw leipa ta; tiamana nata hmeiseih kawpa ta tei lymâ awpata pasyuna bie pha kawpa a reih.
He a hmaohpakhyna he Puhpa KT. Neikha, Vice President ta chhihtha pata, Puhpa Israel Chozah, GS MTP(H) ta Abeipa hnota daihti pavaosana ( devotin) a hmâh.
Puhpa T. Vabeichhuakhu Sr. Vice President SDFA ta zawpi a hmaohpakhypa zy hnota pasyupalina bie reina hneih pata , daihti tlytlâhpa liata Hlasathaipa, Laihsa Rovina Khaimeichho ta zawpi a hmaohpakhypa zy cha hlasana ta palypa-uahsa ta, daihti chhâna alynabie reina he Puhpa N.Mesak Executive Member SDFA ta hmâh ta, tawhta Puhpa B.Beichakao ta Club to a vypakhypazy cha Oath taking a hneihkhei hnôlâ ta, Tiedraw hneih pazao pâ pa châ ta; Open eihhrâhpa liana he Club 23 a hlao thei ei ta, Veteran(40+) liata Club 8 zy , ta he ataopasuana he ama hmiachhy aw.
Final he August noh 15,2024 Nohchhôh dawh 12 pata Siaha DFA Play Ground Meisatla su liata a khaih awpata ryhraona taopa a châ.
Source: Siaha District Football Association