SIAHA, 29 August, 2024 – Puhpa T. Seido, Hon’ble EM i/c Social Welfare Department etc., MADC ta Siaha khichhôh liata ypa Home – Kalvary Healing Ministry, Siahatlâh nata Grace Children Home, College Vaih zy a su tlypa ta thlahchhâna nata pasyunabie reipa ta programme chyupa a hmâ raihriepa châ ta, baona sôh chhao MADC Social Welfare Department vyuhpa ta hlâ pâ laihpa a châ hra.
Puhpa T. Seido, Hon’ble EM chata biereina chyupa daihti a hmâpa liata “he su liata hriatuhpazy Khizaw lâta alâlaoh vei hra u la, Paw Khazohpa rai a hriapazy châ ei chi ta, thlahpa râh lâta cha nama rônah ngâsâ. Khizaw pha khao leizie he vaw my leipa u la, Abeipa châta eima hria theina he a chyh kaw bâ tahpa vaw my khuh vy” tahpa a reih.
“Boarders nawhzy chhao moleina lâpi achhih ta kuana châh pahnoleipa he hmo chichhihpa châ ta, nâmo deikua cha nama pina râh ngai awpa ta riethei a tao haipazy nama châ; hnôh asy leipa ta Kross lâpi achhih lymâ a chhuah muh vy” tahpa ta Home liata mohôh ngâhaipazy a pasyu ei.
“12th Term MADC, Puhpa M. Laikaw, Hon’ble CEM chhihthana ry liata siehaipa he ta eima râh Thyutliapazy duasu he pachâ peimawh ngâsâ ta, paritheipa adyuhna kyh chhao NGO-zy hmâpa ta hmah la lymâ awpa he eima hmo chhuahpa sâkha a châ” tahpa chhao, he daihti lia he ta a reih hra.
Puhpa T. Seido, Hon’ble EM he Pihnô K. Jenny, LDC ta a chakaochahlâh.