SIAHA, 5 Thlarâh, 2024, Pobienoh (maraland.net) – College Vaih VC-I Area, Seidiah Chavah tawhta New Colony Vaih pangaina lâpi, Pihnô Kapchhingpuii nah O kiapâh lâpi pha leina su cha College Vaih VC-I nata Football Club: College Vaih (FCCV) Veteran Player zy ta atamy my pati nie hlâta â thu viana su zy liata alô ta pabiena tlâhrai ama hria.
He tlâhrai liata athao theipa cha manôh 30 ama châ.
Siaha College Vaih AOC Petrol Pump tawhta Bus Station pangaina lâpe he a tliata tawh kha ta rao kaw bâ ta, a eihpachaipa ta College Vaih Area he arao viana su a châ.
He hleikhô ta, ti connection atao thiehpazy ta Road cutting tao ei ta, Department lâta pasaina lapa ta amâ zy cheih tyh ei ta, road cutting tao pathina deikua a y tu tyh leipa hawhta pahnopa a châ.
Biehneituhpazy ta a chatliena lâta taopathi heih bâ ei sala tahpa he Siaha zawpi ao a châ.