SIAHA, 6 Phiapi, 2024, Pakhynoh – Atanoh dawh 12:30 PM kha ta District Child Protection Unit, Siaha pachhuapanohpa ‘Inauguration of Adoption Awareness Month November, 2024’ cha biepipa ‘Rehabilitation of older Children through Foster Care & Foster Adoption’ hmâpa ta MADC Golden Jubilee Hall, Siaha liata ahmâpa châ ta, he liata Puhpa T. Seido, Hon’ble EM i/c Social Welfare etc., Mara Autonomous District Council (MADC) cha khichhai laipa châpa ta bieraina daihti a hmâh.
Puhpa T. Seido, Hon’ble EM chata biereina a hneipa liata, khichhai laipa châta ama hruapa kyh liata alynabie reih ta, “Atanoh liata programme he pachâpasiapa ta a châ khiah, a Awnano kawpa ta pahno na ta, eima râh liata sawhkhâ tawhta scheme nano nanopa eima hneipazy he hmâ phahnai si la, keimo chhôhkha châ ngâlâh dei châ leipa ta eima opa lyuhrizy châ taihta eima phahnaikhei nahta ei hnabeiseih kaw.”
“Tâkô zy chhao he a tiah kawpa hnei hra ei si la, a hmâtuh awpazy ta eima hmâ phahnai vei khiatala a sai-ie thlâh tyh ta, chahawhna hra chata Child Protection Unit liata hriatuhpazy a hmâna dopata liata eima hmâ vei khiatala ama phahnaina nata ama hraihria awpazy he pahno paki thai aw ma pi” tahpa ta, Child Protection Unit, Siaha liata hriatuhpazy hnoh ta “Nama raihria rônah kawpa zawhzi ta hawti sia ngâsâpazy ta nô nata paw hleikhô ta chhôhkha phapa ama hnei thei awpa he a rônah ei tah hmeiseih” tah ta, atanoh liata programme a vaw hlaopa zydua hnoh ta programme he a thôhkheina hnei chyu awpa ta khokheina a hlâ ei.
Atanoh programme he Puhpa Teddie T. Lalnunrema, PO (NIC) ta chhihtha ta, Pihnô Laltlanmawii, DCPO, Siaha ta keynote address a reih. Pihnô B. Lalruatsangi, SW, DCPU, Siaha in presentation of Bouquet daihti hmâh ta, Pihnô TT. Sabina, Coordinator, SCAC ta presentation & reports pie ta, chairman a châ pâpa Puhpa Teddie T. Lalnunrema, PO (NIC) ta ‘presentation on NIC’ ta PowerPoint presentation a pie hra.
He daihti liata Pihnô B. Zisia, District Mission Coordinator WCD, Pihnô Patricia Azyu, SWD, MADC zy tawhta biereina nahthliepa châ ta, a likawh liata laihsa KL. Samari, ORC nata Laihsa Angela, SCAC zy ta hlasana hnei ei ta, daihti chhâna liata Pihnô Malsawmtluangi, PO (IC) ta alynabie reina hneipa ta daihti pachhâsapa a châ.
(Source: I&PO, MADC)