SIAHA, 21 January, 2025 – Biepipa he “Krista pahnona liata laiseina” 2 Pity 3:18. na hmâpa châ ta, eima President chhaota Greetings nata sermon chyusia kawpa nata hroh kawpata bietana rei ta, apha ngasa, palai khei a chhi kaw.
Ei 38-na KTP Central Conference Ryureina Pakhypi cha Local KTP Lôcheita liata tlôpakipa ta, tari 16th -19th Jan, 2025 pa taita apalâ kawpata hmâ khai ha pa a châ.
Châkhei Vaihpi KTP zy ta ECM KTP vyupata âduapa ama châna hawta ao ngia kawpa nata hla pha ngaitapa nata hroh kawpata Abeipa reithaina hla pary tyh ei ta, palai khei a chhi ei ta, Abeipa rônana chhao a lâ ngaita kaw, eima palai khei hmeisei.
Lôcheita Ody he dy 105 cha ei ta, Awnanopa he miano MEC Ody 30+ nata Mara Baptis Awnanopa Ody 70+ hawta y ei ta, atahmata pakhypi deikua he cha Awnanopa mia no hria paraopata patlôpa cha ta, apakhyna Achhyna O chhao he Mara Baptis Achhyna O nata hmobao hlupi chhao hmâpa a cha hra.
Khichhai he malu 399 châ ei ta hlapy py 8 nata Solo hrua eipa mo 7 ama y. Ryurei theipa malu he 60+ eima cha.
Ryureina he Chairperson : K.Macha Beirângâsâh,Sabyhpi nata Secretary : Rev.Beirahrua, Sabyhpi Office zy chhithana ry liata apalã kawpata hneipa a cha hra. (A mo 2 pa nata Pârâ hlapy zy he ECM KTP pakhypi ahlao awpata â zu awpazy ama cha.)
Kô 2025 – 2026 châta Budget estimate he *Kyats 59,986,829* apypa a cha.
Kô 2026 liata pakhypi patlôtu awpa âpahawpa y ma leipa ei ta, Kô 2027 liata pakhypi tlô nawpa su deikua he Râritlâh Local KTP zy ta amâ pahaw chhielie ha.
Beinô chava tai awpa deikuala naonâhpa vaw châ vei.
KTP manôh zydu nama thlâhchhâ kheina zawhzi ta eima ti nata râh apalâh kawpa ta eima vaw tlô ha heih.
Târi 30 January, 2025 heta New Laty liata “Arâpasuana Phapa” eima râ pasua chyu u sy.
Eimâ châ ly kaw.
Sd/- Machâ LC Mathipi
Asst Secy, ECM KTP HQ Siaha