1. Pakhypi patlôtuhpa New Laty:
Ama khih Ody pachâpa ta, khichhai 5000 hlei tlai my, zâ ta mohôh awpata cha bâhta ama nawhraihpâ khiah maw, tahpata chhôhmaru liamarihpa liata eivaw pachâna zydua cha 0 hawh deihta a châ.
Khichhai patlô hluhpa nata patlô chyhpa khata ânano chaimâh na vaw y leipata, niedo nata kaototie liata miah âthâ ngâsâ ta veih ei, tahpa ei mokhao ta hmôta, ei nahkao chhaota a thei. Amâ piepasana rônahta Abeipa ta alie hluhpita New Laty khihsawzy byhnâ pie ei sy.
2.Khichhai tlôkiana chôchâh.
Reichiehpa hawhta Ody 100 hleita ta, khichhai 5000 hlei khichhai awpata cha, New Laty he ei hluhpi ei tlôkiana a châpa vâta ama olyu moh nata o laikawpa nata o chhâhsâhpa y hlithâ vei. anodeikua, odyto rô ta ama o temporary ta vaw extend khai eita odyh dyh 1 ta khichhai 60/70 amôzia nawpata amâ vaw chhuanoh chhielie khai haw. Ie, pazôsâna nata bath room chhao odyto ta, ei khata 5/6 âraopata apathai pahâ thei awpata ama vaw ready khai.
He heta khichhai zy châta amâpie pasana nata Pakhypi laipa amâ pahawna chhâpa rei byuhleipa ta a chhopasia.
3.Byureih (Pandal):
Byureih moh he Chakma Missionary mâty a châ hapa A.Vabeikhohnei moh phaopa ta A.Vabeikhohnei Byureih tahpa a châ. North East nata Mawrâh su nano nanopa zy Pandal ama taopa hluhpi vaw hmô nata New Laty Pandal tluta âthluahâpa nata ngiaryh áchhihpa he hmô liliah vana. A chhôh liata zawpi âtyu nawpata thophia phiapha kawpa nata inchese 1 nata khophie chhapa saita 4000 hlei atyu nawpa ama taopa zy kha arônah tah lei thei vana. Ramawh, 3/4 patlâhpa ta âtyuhna hawhpa zy kha vâ â chhihtu hlei vei. Pandal he Engineering zy nata designer eima râh liata athai thai penawh ta ama buakheipa a châzie chhao rei byuhleipa mokhao ta ahmôpa ta cha nama pahnothai khai aw.
Stage, Field, Ceeling, Decoration zy kha Maw bierei sata, Adik vel vek tlâ a châ.
4.Reception chôchâh:
A eihhrâhta khichhai dyna taoleipa eita Counter system ta khichhai zy raipa châta tlôpaki hlâta eima tlô nawpa su information miah pie khai eita, eima tlônawpa su chyu tlâ eima pangai. Âthlâzi chaimâh.
5.Lighting & Sound system:
Programme laipa liata cha Light & Sound he hmo peimawh chaipa a châ. Sound he Mawrâh liata zakhei chhihlei chaipa hry liata sâ 1, Wave Records & Sound Rental nawh hmâpa châta, ama chhaichhi phata, pakhypi chhôh zydua liata Sound system lia buana âtyh mapi.
Light chhao Current avaw thi tlamaw hapa chhaota Generator phachaipa chi, my, zâ ta pahropa châta pakhypi chhôhta second 1 chhao light system liata buana âtyh mapi.
6.Pandal nata a chheipâh:
Khizaw hmahsie nata âchakaihpa, Photo boot he su 4 lia taopa châta..
1.A.Vabeikhohnei boot.
2.Pakhypi athei thlâna boot.
3.Lakher Pioneer Missionary boot nata..
4.Main gate boot zy hlei khôta…
Eima pahno/hmô lalih leipa, Round selfie boot zy ta Pandal hmia lia zawpi châta pachhuahpanohpa châta…
He hleikhôta information nano nanopa counter su hluhpi ta a chadô. Pandal chavei lâ liata apabua rarai leipa ta chyhsa 5000 hlei thopi do nawpata Thopi, asaih padâhpa, athlôhpa, thopi râpa nata apadâhpa hlei khôta ti-eih taihta do thei nawpa a y. Pandal hnôh lâ liata chanô nata chapaw châta Ie o nata pazôsâna taopa châta, âthlâzie ngaita.
7.Khiliah râhpâh nata Byureih chhôh:
Khiliah râpâh pathaih paroh kawta, khiliah lia apuapa mongia leina taihta hmô awpa yvei.
Ânano ei tahkawpa hmo sâkha cha khiliah lia hawti âkhiehlaipa hmô awpah y veih ei.
Pandal chhôh deikua zawpi pôhpakhyna su a châpa hawhta dyuchhai rylia, sachin, Sikhar, Waiwai hyhkua, kuva, sâdâ pachhaona etc hmô awpa a y hôlô.
8.Hlapy zy:
2019 Tipa Joint ta KTP Pakhypi ama host no nata tahmâ kô 5 avaw khô hapa za sai pakhua nata khihpi Branch nata thotlâh Branch zy duahmo liata hmahsiena hluhpi ei hmô. Eima music genra nata hlapy hla selection chôchâh liata vâropi tlai hmah eima kawsie pata âlâ.
Anodeikua, Local songs (keimo phipa) deikua nahthlie awpa chyhkaw ta Conductors nawhzy eima tiama via awpa abyuh…
Thiahra KTP Branch nata Phura KTP Branch zyta zawpi miah surprise eita. Edenthar nata New Siaha KTP Branch zy ama preparation phazie zawpi ta hmôpi ta, kô 36 tlai eima nahkao ta athei khaoleipa Saikao KTP Branch nawhzy ao eima vaw thei heihpa cha thokha hluhpi palôh miah palieta eima cha haw âmâ khai ha.
Mawhrei KTP Branch hlapy zy hla bie khata pachâna pasihsa kawta, Tisôpi Male voice ta zawpi nahkao adao phakaw.
Atlia tawh khata, Siata KTP zy ta, Vytu reihta hla miah paryhpa tyh eita, lypa a châkaw nota, chi pho feeling kawpata, Chapi, Hawthai, Zyhno zy heta KTP, ASSEMBLY etc lia zy heta âmo reih chyuta hla he vaw paryh thlâh ha ei sala, zawpi ta kheita ma eima pachâ vâ aw ? Tlôsaih reih he Mara common language châta Biehrai nata Hlabu, Mara Literature lia chhaota eima hmâhpa châ tlôhta pachâna apasihsa kaw.
Hla chôchâh liata ei palôh lia hmo ypa:
New Laty Pakhypi lia heta Hlapy py 8 ta Krizyhpa Hlabu liata hla vaw sa eita, aphakaw nota KHB liata hla zy he awnanopa miah chyhtuhpa, chareipakhyna nata Chhyna o liata khâ eima sa tyhpa a châ. Chavâta, modify pa tlyma, medley tlyma, version nanopa tlyma a châ vei khiahta cha, Pakhypi laipa lia he cha sakhao lei y thei sila, tahpa he ei palôh lia alaikaw.
9.Time management:
Marasaw pie he daihti ahmâh thailei chaipa eima châ thlyu aw…
Prog sheet liata daihti bitaipa aroh khai thlâh ha nota time keep pa deikua y mapi.
Apachaipa ta, Skit show item ato penawh kha prog sheet ma nama hmô vei tly..! Minute 10 daihti piepa nama châ nota, 30/40 minutes rachhô sai nama hmâh vâta prog a flop nasa….
Meisavaih KTP Branch zy deikua ama item pahnie pasâkaw eita, amo phata, aki chochâ ta, time ama keep pha ngâsâ.
Variety programme liata Tipa Vaihpi KTP Branch zy preparation kha apha tahpa rei byuhleipa ta âlâ. Ama item hrahro kha medley type ta siekhei eita amo phata, nahkao nata mokhaoh liata khâ a châh.
10.KTP HQs Nôpawpa zy theilâpa:
Rev.St.S.Beihruasa, âpiepasana nata a co-worker zy nata ama combination phazie âlâpasia kaw. He pakhypi châ heta ama theina zydua papua eita…
Praise & Worship team, Musician nata Ushers, Photography, Videos, Social media etc zy apielyu dâh tawhta âmâ piepasana zydua nata ama chhihthana dâh saipa ta, hnôhsy leipata hmia eima tôh via lymâ tahpa he mohkhao ahneipa ta cha hmô pita eima thei.
Eivaw pasâhsa kawpa ei cha, MTKP Hlapy zy, âlâ ta hla za paryh awpah a chhuah eita, ama pasai leipa khawh. Adaihti lia cha polite kaw eita, ama kholeina liata cha, ama bie lia khâchâ âmâ duah.
11.Biatuhpa MDC nata Biatuhpa Pastor:
Thlahpa lâta nôpaw chaipa, Laty biatuhpa Pastor he Rev.KC.Thangchin châta. Ano he thyutliapa hro pahno ta ahmialia hmo ypa cha chatôh raruah lymâpa a châ. Laty khihsawzy chhaota ano lia ngâna ama pahnieh ngaita.
Sapa lâta nôpaw chaipa biatuhpa MDC Puhpa Beirahmô Syhly nata ama nô Particia T.Azyu zy he aki liata lôsôhpa ama châ.
Khatluta ma ama palôh âtymâ awta, amôzia leipa ta, palôhru riethei pata kô/thla khazie ma daihti ama hmâh aw, tahpa deikua cha, Paw nata âmo deileipa ta cha pahno awpa y mapi.
12.Discipline chôchâh:
Laty Pakhypi lia heta, Paripangapa nata buana taota awhsâ ngâpa pyu thei awpa yvei. Security apha tahpa he âlâpasia kaw.
Pakhypi âhlaopa Branch thokha zy deikua, zacho a châna taihta, awhsâh ta palopasapa pyu thei awpa ama y. He deikua cha Branch leader zy diathlâna vâ a châ.
13.Hmothiehpa achu awpa nata copy awpa hluhpi New Laty ta miah ama pie:
1.Ushering chôchâh liata host KTP zy thlalôh kawpa ta ama duty chyu ama patlô thei nawpa ta Branch hropa kulia ushering rai ama hlâ.
2.Security chôchâh liata khichhôh MTP, VDP ku lia pahnieh thlâh ha leipa ta, Police ku lia sopa a châ.
3.Reception chôchâh liata, dyna ei hrâhpa taoleipa ta tlôna su chyu awpa lia, direct ta ngai thei awpata ama pachhuahpanohpa zy kha, Board nah palôh kawzie âlâ pasia kaw
15.KTP mahnô zyta eima taokhao lei awpa:
Pakhypi ahlao awpata sie pita, khichhai 5000 hlei atlôpakhypa hry liata 3000 hleita ta, Byureih eima ngai tyh, 1000 to 1500 rachhôh he khataih lia nama y ?
Bietlâh pakyuna:
Khizaw a y chhôh nata awnanopa aduah chhôhta cha Pakhypi he chhâ awvei.
Kô 2000 rachhôh tawh khata pakhypi ahlaopa manô zy ta pakhypi patlôtuh penawh phaohri pachha awpata chini, Amul, thopi hawpa, Sapha, âhmie etc a chakaina châh pahnopi ta, lypa a châ ngâsâ.
Branch thokha zyta amô nawpa ta tenth (Poh-O) aphaona châh zy vaw pahno pathao laih heihpita he he hmopha kawpa a châ.
Pakhypi hlabu hnei pita….
Mara hla….. 44
Maw hla… 11
Chorus…. 05
A zydua ta hla 60 hlabu chhôh lia atlôh nota hla 7/8 deita he iphy, beihphyta tlâ eima phy hnolo ngâthlâh haw. Pakhypi hlabu a châna hawhta next lia cha hlabu chhôh lia atlôhpa zydua pakhypi chhôhta sapapua lylia achhuah sila..
Next 2028 pakhypi apahawhpa eima y leipa deikua pachâna apasihsa kaw.
Managing Board lâ tawhta report ama piepa kha palôh y achhihkaw…
Maluh atlôpa 5005 + tichho beih chho abaopa 512 hry lia khata Chapaw maluh… ?
Chanô maluh… ?
Pastor nata P.Pastor, Machâ, K.Machä, KNP member pakha zie ma tlô ei.. ?
Delegates…. Maluh kha zie ?
Vehicles 2 & 4 khazie tlaima Laty khihpi lia tlô ?
Apachaipa ta, tlôpaki zâ tawhta a chhâ zâ (Sunday zâ) taihta thyupakhyna sôh khazie tlaima ? Tahpa chhao zawpi ta pahno tlâ mapi.
KRIZYHPA THYUTLIA PY ZYDUA 2028 LIATA EIMÂ HMÔ PAKHY KHAI HEIH U SY.