ECM Headquarters: General & Mission News

SIAHA, 2 Chhiepa, 2019, Khazoh noh (MNN) – Ary liata palâsapazy he târi 26 Patô, 2019 tawhta târi 1 Chhiepa, 2019 chhôh ta Evangelical Church of Maraland (ECM) Headquarters ry liata thâtih thiehpa tlâhpipazy nata Mission chakaona thâtih thiehpazy a châ.

1. MODERATOR:

Rev. C.Beima, Moderator cha târi 27 May, 2019 khata NEICC Seminar nata Mission Field tlyna a hnei khai tawhta apalâ kawpa ta Siaha a kaw tlô ha heih. Awnanozy nata mo pakha thlahchhâkheina vâta tlâh kaw bâ ta, Office zy a kiah thei ha heih. Awnano chô lâ liata Bei Zisu mohta alyna bie a reih hra.

1. SENIOR EXECUTIVE SECRETARY:

Rev. Dr. Laiu Fachhai, Senoir Executive Secretary chhao târi 27 May, 2019 khata “NEICC Seminar on Contemporary Issues” program nata Mission field tlypa ta a siepa cha a palâ kawpa ta Siaha a kaw tlô ha heih.

1. EXECUTIVE SECRETARY (MISN):

Rev. T. Salaw, Executive Secretary (Mission) cha Mission Field tlypa ta a sie khô lâta, târi 1 June, 2019 (Pachyhnoh) khata Siaha a vaw tlô ha hra.

1. EXECUTIVE SECRETARY (EDU):

Rev. Dr. S.T.Zawsi, Executive Secretary (Education) cha târi 31 May, 2019 (Chutyhnoh) khata Krizyhpa Paw Py (KPP) Meet, Chhalô Pastor Bia, Chhaolô liata hnei ngâpa liata Speaker châta hruapa a châ. Târi 3 June, 2019 (Hriatuanoh) ta Siaha vaw tlô heih awpa ta hnabeiseihpa a châ.

1. ARUNACHAL MISSION

1). Alyna bie reina: Changliang Prayer Centre châta thlachareih Prayer warriors-zy ama lymâ (Honorarium) awpa avaw sponsor-tuhpazy chô liata Abeipa Zisu Krista moh ta alyna bie ama reih. Abeipa ta apietuhpazy ama chakaona he Changliang Prayer Centre liata byhna apie ngaita. He chakaona vâta thlapa leidia-haipazy thata Krista la amâ vaw di.

Ary liata palâsapa zy he ECM (mission) sie pahliepa ta sponsor ama daopazy nata apietuhpazy ama châ.

(1). Mc. NT. Sanga (Feb & March 2019) = Rs. 2,200.
(2). NT. Florence (Feb & March) = Rs. 2,200.
(3). Mc K. Zachiangi (Apri 2019) = Rs. 500.
(4). Mc K. Vanlalliana (April 2019) = Rs. 3,000.
(5). Kmc. K. Chhuabei (March 2019) = Rs. 4,000.
(6). Bethany KNP (April 2019) = Rs. 1,500.
(7). Ebenezer KNP (Aug to Oct 2019) = Rs. 6,000.

2). Dimbew Missionary’s Quarter sana liata ahriatuhpa nata hmosai pietuhpazy chô liata Zisu Krista moh ta alyna bie ama reih. 21 May tawh kha ta he quarter sana rai he hria pathao pa a cha. Ary liata palâsapa zy he baona apietuhpazy ama châ:

(1). Mission Pastor Lalnunhlima Mathiepee chhôkha ta Hriatuhpazy nôchho pati (Lunch) châta Awsa nata Vaosa Kg 4 ama vaw pie.

(2). Missionary HC. Lalbiaksanga nah chhôkha ta thopi nata viahchhâ chalei nawpa châta Rs. 1,000/- ama vaw pie.

(3). Pastor. Gumar ( Dimbew) ta a viasa manô 6 zy chhaota nôkha chhôh quarter sana tlâhrai ama vaw hria.

(4). Tezu Awnanopa Thlyutliapazy ta quarter sana tlâhrai nokha chhôh ama vaw hria. Avaw hria theipa he manôh pa 7 ama châ.

(5). Dimbew thotlâh khi liata Missionary’s Quarter sa he apeimawh hawpa vâta Missionary. Bonny Laltlanliana nata Mission Pastor. Lalnunhlima Mathiepee zy cha mission chakaona sâkha hawhta pachâpa ta 21 May 2019 tawhta no chareih quarter sana tlâhrai he mathlai chhao ta ama hria lymâ.

1. TIWA MISSION.

1) Bâti pachâsapa: Atahmâ hâta liana khata Pachimnagaon local church liata manôh-1 (pakha) bâti pachâsapa châta. Rev.Joytist Chairman TEC ta Bâti apachâsa.

2) Missionary Puhpa K.Malsawma nata a chhôhkha-zy ta Mission compound Pachimnagaon su liata Vâtlâh pazôsâna o pha kawpa sôh hluhpi hryuhpa ta sahpa ei ta. Tiwa Evangelical Mission liata hriatuhpazy ta Puhpa K.Malsawma nata chhôhkhazy chô liata alyna bie ama reih hmeiseih. Atahma châ sah patlôpa châ ha ta, hmâh thei awpa duasu liata ama vaw duah ha ba hra.

3). Work camp hnei aw: Abeipa ta âryh tah sala rairunazy a y vei khiahta cha atakô he Ebenezer KTP zy ta Tiwa mission su liata work camp hnei awpata apatopatia hai ei ta. Ama raihria awpa he Missionary quarter châ ta. Rairunazy chatôh papuapa ta adaihti ta liata work camp ama vaw hnei thei nawpata thlahchhâ khei ei suh vy.

4) Pastor Beichôsa Nohro chhao Hospital tawhta avaw pua tawhta Awnanopazy thlahchhâkheina vâta atahmâ he pha viana lâta a pangai lymâ. Avaw tlâh pasia thei nawpata thlahchhâ khei ei suh u.

1. CHAKMA MISSION:

Donation: He ary liata palâsapazy he Chakma Mission châta donation ama hmôhpazy a châ:-

1. Siaha Vaihpi Local, Borapansuri liata Mission Quarter sana = Rs.2,00,000/-
2. Pihnô S Ngilneii, Gilgal ta Silsuri liata Kho(Drum) chaleina = Rs.1,000/-
3. Siata Local, Chakma field abyuna liata hma awpa = Rs.10,000/-
4. Siaha Vaihpi Local, Borapansuri liata Mission Quarter sana = Rs.1,00,000/-
5. Pihnô S Ngilneii, Gilgal ta Silsuri liata Kho(Drum) chaleina = Rs. 3,000/-
6. B Ngosia, Lotai ta Botapansuri liata Student sponsor châta = Rs. 2,000/-
7. C Kuadi,Lotai ta Borapansuri liata Student sponsor châta = Rs. 1,000/-
8. C Lawchhi, lotai ta Borapansuri liata student sponsor châta = Rs.1,000/-
9. C Chamaw, Lotai ta Borapansuri liata student sponsor châta = Rs . 1,000/-
10. L Zino, Lotai ta Borapansuri liata student sponsor châta = Rs. 1,000/-
    Grand Total = Rs.3,20,000 /-

Abeipa kyhpâchatuhpazy hmosai piepa zydua chô liata eima Beipa Zisu Krista mohta alyna bie ama reih.

1. ODISHA MISSION:
2. Native pastor Kailash Digal cha Dt 24th May 2019 khata Awnanopa nata Abeipa mohmô liata laisa Jumkal digal nata nôvah pathaipa châ awpata Rev. Ellias Naik ta Jagarimaha khih liata a pahneisa ei. Nôvah kyh apachâpa nata Krizyhpa chhôhkha ama châ lymâ theih nawpata Awnanopa zawpi zy ta thlahchhâkhei suh vy.
3. Atahmâhlâ noh khi apalo kawpa vâta Pastor Sanjay cha mydi nata zâlâ ta Temangi khih nata achheipa liata member nahzy tlypa ta thâtihpha chhona raih a hria ngâhai.
4. Awnano zawpizy thlahchhâna Abeipata chy ei ta, Karnetpur khih liata Abeipa ta member thiepa, Hindu tawhta moh 3 Kri vaw zy thiepa y ei ta, eima Missionary nahzy ama ly ngasa. (1) Mami digal, (2) Gudu digal nata 3) Gudi digal zy ama châ. Awnanopa zawpi zy ta Abeipa lâta alyna bie reina chôta kri vaw zyh thieh penawh châta thlahchhâkhei via lyma suh vy.
5. Atahmâhlâ he Odisha palo kaw ta, 45 degree celsius a kiah ngâh thlâh ha bâ. ECM ta eima chakaona hry liata apalo chaina su he Odisha a châ. Missionary nah châta thlahchhâ khei via lymâ suh vy.
6. THÂTIH LAPAKHYPAZY:
7. Târi 5 June, 2019 heta NEICCWA Executive Meeting, Shillong liata hneipa a châ aw. Ls. Ellen Hlychho, Coordinator, Social Mission cha he meeting hnei awpa ta sie ta, thlahchhâna ta bao chyu suh vy.
8. KPP Meet: Târi 31 May, 2019 khata Krizyhpa Paw Py Meet, Chhaolô Pastor Bia, Chhaolô liata hnei awpa liata Rev. Dr. S.T. Zawsi, ES (Edn), Rev. M. Beichi, Puhpa JB. Chozah, Puhpa J. Ruben, Puhpa VB. Mokhai zy cha KPP Headquarters vyuhpa ta ama sie.
9. Târi 29 May, 2019 khata ECM KPP Headquarters Office liata hriatuh awpa IV Grade lapa a châ; Puhpa LC .Beizawi, Shalom Local cha he rai liana heta lapa a châ.
10. Finance Office charge â hlâ: Târi 31 May, 2019 (Chutyhnoh) khata Rev. Thylua Hlychho FO (Outgoing) ECM Office kiah hnôh chaipa noh châ ta, Staff devotion daihti ano ta hmâh ta, devotion khai tawhta a chakaopa Finance Officer charge hlâna nata thopi dona hneipa a châ. Kô 36 tlai Abeipa châta phahnai ngiah kawpa ta hria ta, tlâh-na phapa topa ta, pension daihti a tlô theipa he Abeipa lâta alyna bie reikhei chyu suh vy. Târi 16 June, 2019 heta ECM Local Church Bethel liata Pension pathliena hneikheipa a châ aw. Târi 31 July, 2019 liata ECM Assembly Staff Welfare pachhuahpanohpa ta, Pension pathliena programme nata alyna kyhchhi pachhuahpanohpa a châ aw.
11. Camping pachhâ: Rev. Joseph Kôma Chozah, Secretary, ECM KTP Headquarters. cha târi 27-31 May, 2019 khata Shalom Local Church liata camping hnei ta, camper-zy amâ thôhkhei ngâsâpa ta biedaopa a châ. Rev. Joseph Kôma châta thlahchhâkhei lymâ suh vy.
12. ECM KTP Week & Day cha 31st May, 2019 zâ dawh 6:30 liata Edenthar Local Church liata ‘Kick-Off’ programme hmâpa châ ta, târi 1 – 10 June chhôh ta KTP Week nata Day programme he hmâpa a châ aw. Guide Bu ‘Paduapathina’ (Neh. 2:17-18) Rev. VBH. Sathei Thlyutha ropa hmâpa ta biepipa achupa a châ aw.
13. MARALAND GOSPEL CENTENARY HOSPITAL:

Târi 23 May –31 May, 2019 chhôh report tlâhpipa.

1). Tlâhleipa apamosapa zie – 95
2). Tlâhleipa admitpa zie – 43
3). Ultasound mopa zie – 46
4). X-Ray – 21
5). ECG mopa zie – 9
6). Endoscopy mopa zie – 29
7). Hawsaih pihpa zie -1
8). Athipa – 2
9). Emergency Case – 11
10) Operation hneipa zie –nil

(Published by J. Lalvarliani on behalf of Communication Department, ECM Assembly. Edited by BeiRôkhu Beitâ, Admin, MNN.)