SIAHA, 20 Nawh, 2023, Chutynoh – Atanoh dawh 1:30 Pm pa ta Middle School Teachers’ Association (MSTA), District Headquarters, Siaha leader zy ta Executive Member (EM), MADC i/c Middle School ahmôpa ta alykheina nata hmiapahnosana ama hnei.
He alykheina nata hmiapahnosana he Puhpa Lalthazawna, Sr. Vice president, MSTA, District HQ, Siaha ta chhihtha ta, appointment taona chhâpazy reipasiana hnei ta, thlahchhâna a hnei khai tawhta, Puhpa FC. Chhuasa General Secretary ta hmiapahnosana daihti a hmâh khai tawhta General Confernece resolution zy EM hnohta pangia ta, hmah lakhei ta hlao patlohpa awpa ta MSTA moh ta â haw.
Resolutions, atano tlôkheipazy:-
1) Middle Teacher zy Study Tour pasiesa awpa (Mizoram chhôh lia).
2) Model Scholarship exam hnei pazao heih awpa khona.
3) School Education department châta recruitment rules nata Service rules hnei thei nawpa ta hmah lakhei awpa ahawna.
MSTA District Headquarters, Siaha moh ta EM hnohta hmosaipiepa (Khutho) hlâna hneipa a châ.
Puhpa MH. Tiabi, EM ta pasyuna bie pha kawpa reih ta, atanoh liata MSTA zy nahta hmiapahnosana daihti phapa a hnei vâta nata MSTA tawhta hmosaipiepa a daopa vâta alynabie rieh ta, MSTA zy hnoh ta Mararâh Education hmahsie nawpa ta hrialâh phapa châ awpa ta ahawna tao ta, amâ hawnazy cha atheina hawhta hmah lakhei â chhuah tahpa a reih.
MSTA leaders tawhta Puhpa V. Tumsanga nata Pihnô K. Minary ta biereina chyupa hnei hra ei ta, nothlah ala lahna ama hnei khai tawhta thopi do pahmaohna aly kawpa ta hneipa a châ. Thopi dona liata hryuhna zydua he EM thiehpa alykheina châta MSTA ta â tôhpa a châ.
(Source: I & PO, MADC)