SIAHA, 11 July, 2024 – Ahmiatuata, Mararâh zawpi zydua MSO Gen. HQ, Siaha mohta ‘Samaw’ eima cha hlâ.
Eima pahno chyupa hawhta, Gov’t Higher Secondary School liata Lecturer adaih leina kyh liata, MSO Gen. HQ, Siaha ta târi 18 June, 2024 liana khata rairuna eimâ tyh haipa he, pathlâ khei awpa ta Mizoram Sawkhâ hnohta vaw tlô khei ta. Rairuna eima tlôkhei tawhta, târi 7 July, 2024 taihta Positive Response khâ hmahta eima dao/ hmô leipa vâta, Târi 8 & 9 July 2024, noh (2 ) chhôh MSO Gov’t Hr. Sec. School nata MSO Gen. HQ zy âpakaohpa ta, Mizoram Sawkhâ hnohta palôhtlâhleina palâsana Sit in Demonstration hneipa ta, Gov’t Higher Secondary school cha khaw(closed) pa châ ta. Târi 10 July, 2024 nohta DEO Office nata SAMAGRA Office zy chhao khawpa achâ hra.
Zâhnia târi 10.07.2024,(Pakhynoh) khata, Education Minister, Dr. Vanlathlana, MLA tawhta, rairuna eima tyh haipa he eikhapita pathlâ thai awpa achâ leipa vâ ta, Sawkhâ hmiatuapa liata SEDP tawhta Lecturer ama sopa pa(6) pazy cha thla(2) chhô Stop gap arrangement ta pazao sa chy awpata,eima Biatuhpa Dr. K. Beichhua, MLA hnohta châhna piepa siepahliepa ta thâtih pahnopa châ ta, cha hleikhôta, SEDP tawhta Lecturer pa(6) zy chhao thla(2) chhôh deita pazaosa pa ama châ no ta, Students zy kyhpachâna vâta ama paryhsapa vâta MSO Gen. HQ ta ama chô liata aly kaw pi ta. Sit in Demonstration chhao châlihsa (call off) pa a châ tahpa zawpi zy eimâ pahnosa.
He rairuna eima tyhna kyh liata Dr. K. Beichhua, MLA Siaha biatuhpa nata K. Hrahmo, MLA, Palâ Biatuhpazy ta rairuna eima tyh haipa pathlâ khei awpata, ama theina zydua papua pata hmah maniah ama lakheipa liata, MSO Gen. HQ, Siaha mohta alynabie eima reih hmeiseih.
He hleikhôta, ZPM HQ: Siaha liata President nata hrialâhpazy chhaota thapi maniah ama phiakheina vâta MSO Gen. HQ mohta alynabie eima reih hmeiseih hra.
Sit in Demonstration eima hneichhôh ta MSO Gen. HQ chhihtuhpazy,vMSO Branch, GHSS chhihtuhpazy nata members zy râh châta keih chakâtuhpa zydua, MSO Gen. HQ, Siaha mohta alynabie chareih pi ta, eima hmialâ daihti liachhao thatlô kawpa nahta riahpha kawpa ta sie lymâ awpata khokheina eima cha hlâ.
PRESS RELEASE No.01/MSO/SHA/2024-2026
Issued by:
Mara Students’ Organisation
General Headquarters
Siaha.