Ary liata palâsapazy he târi 30 June, 2019 – 6 July, 2019 chhôh ta Evangelical Church of Maraland, Headquarters thâtih tlâhpipazy nata Mission chakaona raihriana tlâhpipa thâtihzy a châ:-
1. MODERATOR:
Rev. C. Beima, Moderator, ECM nata Machâ J.B.Khaisia, Ebenezer –zy cha târi 6 July, 2019 (Sat) liata Laki lâta chakao awpa ta sie ei ta. Târi 8 July, 2019 (Hriatuanoh) pa ta Khôpai lâta Awnanopa Chhithatuhpazy Retreat-cum-Seminar a hneikhei aw.
2. SENIOR EXECUTIVE SECRETARY:
Rev. Dr. Laiu Fachhai, Senior Executive Secretary chata târi 7 July, 2019 (Abeipanoh) my pakhyna liata Siaha Vaihpi Local liata bierei chakaona a hnei aw.
3. EXECUTIVE SECRETARY (Mission):
Rev. T. Salaw, Executive Secretary (Mssion) cha târi 9 – 15 July, 2019 chhôhta Laki, Vahia, Phura, Lôpu nata Tôkalô Pastor Bia-zy liata chakaona a hnei aw.
4. MISSIONARY SPONSORSHIP :
Kô khophie, January – June, 2019 chhôhta Local Church 82 tawhta Missionary zy nata Local Evangelist zy a sponsor theipa zydua maluh 1422 ama châ chy.
5. RÂHZOHPA NOH:
Kô hrota eima hmâ tyhpa hawhta atakô chhao Local Church tota August 1, 2019 noh ta Râhzohpa Noh ahmâ heih awpa châ aw ta, Biepipa châta “Nâmo ta niepa pie teh u” (Mathai 14:16) tahpa a châ aw.
6. ACHHYNA O PAHY:
Koliya, Mising Mission Field, Assam liata Puhpa Beiraha nata chhôhkha, USA ta Achhyna O ama sapa cha târi 29.6.2019 (Pachyhnoh) ta Rev. L. Lychhua, Field Director, Mising ta a pahy.
7. THLAHCHHÂKHEI AHAWNA:
1). SIM Missionary Rev. FC.Tlôhnei yna su liata House Fellowship sahlao amâ pakhy n’awpa su thiehpa peimawh ngaita ei ta, thlaita ama hmô thei nawpa ta.
2). SIM Missionary Laihsa Damary Hlychho chakaona su liata Vittin Awnanopa (Church) châta nata July 21, 2019 nohta Hawtipazy Noh (Children Day) Shalom Awnanopa liata amâ hmâ nawpa châta.
3). FMPB Missionary VB Khohmô Chozah nata aviasa sahlao chakaona châta.
8. ODISHA MISSION:
1). Târi 6 July 2019 pa ta Odisha Field Director Rev. Stephen Beihrosia Chozah, Pastor Dr. S. Lamo, Evan. James K. Beirachhô zy cha Kandhamal la sie ei ta, he noh pyly zala dawh 3:00PM pata Local Evangelist a hiahpazy interview ama hnei khei. Local Evangelist he seat 2 la awpa cha aw ta, appointment chhao papua pa awpata ryhraopa a châ.
2). ECM Assembly Edenthar 2019 ta a paryhsapa hawhta Missionary Evan. Beirôna Hlôvy cha Mission Pastor chata tari 7 July 2019 pa liata Rev. Stephen Beihrosia Chozah, Field Director ta Karnetpur Achhyna O liata pa-ina (ordination) a hnei aw. Awnanopa zawpizy nata lunch pahah kawpa dôhkhohpa a châ aw.
3). Odisha mission field ta Achhyna O eima hnei tuachaipa cha, tari 7 July 2019 Abeipa noh khita moh thihpa bôpa cha aw ta, amoh awpa cha “Beresith Church” tahpa a cha aw. “Beresith” he Hebrai reih chata, a yzi cha “a hmiatua chaipa” tahna a châ. ECM ta Odisha mission field a pahy tawhta Achhyna O ahnei tua chaipa a châpa vâta “Achhyna O hmia tua chaipa” tahpata a moh biepa a châ.
4). Tari 6 July 2019 pachyhnoh liana khata Odisha field Director ta, missionary zy account maintain zie awpa pachuna a hnei khei ei.
5). Tari 14 July 2019 pa liana khita Hirakud liata OEM ta house church a paduapa cha moh thiehpa bôpa cha heih awta, local evangelist o liata programme chhao a hmâpa a châ heih aw.
9. THÂTIH LAPAKHYPAZY:
1). Târi 1 July, 2019-pa liana khata ECM KNP Headquarters ta Pakhypi vyuhpa Ryureina bie pathlupa hawh ta Tlôsai Memorial Press, ECM Assembly Office châta baona Rs. 10,000/- ama hlâ.
2). Târi 5 July, 2019 (Fri) liata Khumi-Mara Krizyhpa Hlabu cha Rev. C. Beima, Moderator châta SES Room, ECM Assembly Office liata a released.
3). Târi 5 July, 2019 (Fri) nohta MTC Managing Board Meeting hneipa châ ta, MTC châta hmo peimawh nano nanopazy reipahmaopa a châ.
10. MARALAND GOSPEL CENTENARY HOSPITAL:
Târi 28 June –4 July, 2019 chhôh report.
1). Tlâhleipa apamosapa zie – 71
2). Tlâhleipa admitpa zie – 32
3). Ultasound mopa zie 0 – 29
4). X-Ray – 16
5). ECG mopa zie – 3
6). Endoscopy mopa zie – 26
7). Hawsaih pihpa zie – nil
8). Athipa – 1
9). Emergency Case – 8
10) Operation hneipa zie –nil
(Published by J. Lalvarliani on behalf of Communication Department, ECM Assembly. Edited by BeiRôkhu Beitâ, Admin, MNN)