SIAHA, 25 May, 2024 – Evangelical Church of Maraland (ECM) & Congregational Church of India (Maraland) [CCI (M)] zy apôhkhana Assembly cha târi 24-26 May, 2024 chhôh ta ECM New Siaha Local Church, Siaha liata hneipa a châ.
Ryureih theipa atlôpakhypa maluh – 511 châ ei ta, Awnano hropazy 1. Mizoram Synod. 2. LIKBK, 3. MEC, 4. IKK tawhta Delegates amâ vaw hlao thei hra.
He daihti liata aryhna nata apôhkhana bietaina cha District Magistrate pahnokheipa ta a sign-pa châ ta, ary liata palâsapazy he Awnano Headquarters chhituh awpata atlypatlohpazy ama châ:
Awnano Nôpawpa châta raopazy:-
CHURCH OFFICERS:
1. Senior Executive Secretary – Rev. T. Salaw
2. Executive Secretary (i/c Mission) – Rev. Pheitha Lava
3. Executive Secretary (i/c Education) – Rev. Chhuakhu Khithie
4. Executive Secretary (i/c Social Mission & Devpt.) – Rev. AZ. Beirakaw
ASSEMBLY OFFICERS:
Moderator – Rev. K. Laichhua Azyu
Moderator Elect – Rev. K. Vabeinochô
Assembly Secretary (Sr.) – Machâ JC. Mawsi
Assembly Secretary (Jr.) – Rev. Z. Hrohmô
Assembly Statistician – Machâ HT. Philip
Finance & Office Manager (F.O.M.) – Machâ A. Khailua
Awnanopa apôhkhana châta aparyhna:-
1. Awnanopa mianopazy apôhkhana moh châta Evangelical Church of Maraland (ECM) a châ.
2. (i) Awnano supipa Headquarters Office cha Saikao liata a y aw.
(ii) Mission Administration Saikao liata y aw ta;
(iii) Assembly Office cha Siaha liata y aw ta; General Administration (chhao Siaha liata) a y aw.
3. Apôhkhana Awnanopa moh châta ECM a châ vâta CCI (M) cha pachhâsapa (liquidated) a châ. ECM nata CCI(M) ta hmo a hneipa zydua cha pahlyh khaipa ta Assembly miakha – ECM moh ta a y khai aw.
4. ECM nata CCI(M) ry liata Pastor, Pro. Pastor, Machâ nata Khichhôh Machâ zy cha ama ordination/induction apyh khaipa a châ.
5. ECM nata CCI(M) Assembly liata ahriatuhpa (General & Mission) zydua apyh khaipa a châ.
(Admin, MNN. Source: ECM HQ whatsApp group & ECM KTP HQ Youtube Channel.)