SIAHA, 30th July, 2017, Sunday – Ary liata palâsapazy he Evangelical Church of Maraland (ECM) Headquarters, Siaha ry liata hâta ei kha chhôh liata hmo tlôpa General News nata Mission thokhazy a châ:-
1. Moderator Program:
Rev. Thylua Hlychho, Moderator cha târi 29 Khihpa, 2017, Pachyhnoh kha ta ECM & CCI(M) apôhkhana chôchâh reihkhoh awpa ta Saikao lâ a sie.
2. Senior Executive Secretary:
(1). Rev. Dr. Laiu Fachhai, Senior Executive Secretary, ECM Assembly cha târi 29 Khihpa, 2017, Chutyhnoh kha ta ECM nata CCIM apôhkhana reih awpa ta Hyutuhpa thokhazy nahta Saikao lâ a sie.
(2). Atanoh târi 30 Khihpa, 2017, Abeipanoh my apakhyna lia heta Rev. Dr. Laiu Fachhai cha Bazar Local liata chakaona a hnei aw.
3. Executive Secretary (i/c Edn):
Rev. Dr. S.T. Zawsi, Executive Secretary (incharge Education) cha târi 29 July, 2017, Pachynoh khata ECM & CCI(M ) Apôkhana Meeting hnei awpata Saikao lia a sie hra. Atamy heta Immanuel Local Church liata chakaona a hnei aw.
4. General News:
1. Re-Unification Meeting: Dt. 29 July, 2017, Chutyhnoh khata CCIM & ECM Re-Unification Committee Meeting cha CCIM Headquarters, Saikao liata hneipa a châ.
2. UCFNEI Meet : ECM Assembly Central Working Committee ta a vaw pathlupa hawhta Dt. 28 September, 2017 liata United Christian Forum of North-East India (UFCNEI) Committee Meeting liata ahlao awpa Rev. VL. Ngaia Hlychho, Moderator Elect nata Rev. K. Laichhua Azyu, Administrative Secretary, Aizawl zy cha raopa ama châ.
3. Pastor in-charge:
(1). AEC June, 14-15, 2017 ta ryhraona a vaw taopa hawhta Rev. P. Riabi, College Vaih Biatuhpa cha 30 August, 2017 liata a pension awpa vâta 1 September, 2017 tawhta 2018 Assembly hlâta cha Rev. M. Beichi, Coordinator KPP Hqrs. ta a pakaoh aw.
(2). Rev. NC. Vabeilua, Meisavaih Biatuhpa chhao 30 September, 2017 liata a pension ta a pua ha hra aw. Ano Bia he Rev. Joseph Kôma Chozah, Secretary KTP Hqrs. ta 2018 Assembly hlâ taihta Meisavaih bia he a pakaoh chy hra aw.
(3). Rev. B. Beilua, New Colony Pastor Bia Biatuhpa cha Aizawl lâta major operation ta â awpa a châpa vâta July 25- August 20, 2017 chhôh heta Rev. C. Beima, Pastoral Coordinator & Director R & E ta New Colony Bia he a pakaoh chy hra aw.
5. World Vision Workshop ahlao awpa :
Dt. 1-3 August, 2017 heta World Vision pachhuahpanohpa Presbyterian Synod Conference Hall, Aizawl liata Disability Workshop hnei awpa châ ta, ECM tawhta ahlao awpazy cha a ry liata palâsapazy he ama châ:
(1). Rev. K. Laichhua Azyu, Administrative Secy.Aizawl
(2). Laihsa Ellen Hlychho, Coordinator Social Mission, ECM Assembly
(3). Laihsa Rebek K. Zonunsangi, Grace Children Home
(4). Pihnô K. Dasei, Coordinator, KHP Hqrs.
(5). Pihnô K. Laltlansangi, Staff Nurse, MGC Hospital
(6). Pihnô S. Rammuanpuii, Staff Nurse, MGC Hospital
6. Revival & Evangelism Department:
(1). Dt. 27 July, 2017, Pohbiehnoh dawh 11:00 Am liata Revival & Evangelism (R & E) Meeting awpa châ ta, a su châta Lorrain Hall, ECM Assembly Office cha raopa a châ.
(2). R & E Department ry liata Evangelist term thiehpa châta 12 la awpazy cha târi 27 July, 2017 heta Interview hnei awpa a châ. Thâtih lapakhy no heta bie siapa deikua pahno mâhpa châ vei.
(3). Revival & Evangelism Department ry liata Speaker la thiehpazy châta Special Training târi 7th – 18th August, 2017 taihta pachhuahpanoh a châ. Bazar Local Church Achhyna O liata ama training aw. He liata Resource Personzy cha:-
(i). Rev. Dr. Laiu Fachhai
(ii). Rev. Thylua Hlychho
(iii). Rev. Ch. Chhama
(iv). Rev. Dr. M. Zakonia
(v). Pihnô Debbie Fachhai
(vi). Rev. VBH. Sathei Thlyutha
(vii). Rev. Joseph Kôma Chozah
(viii). Rev. C. Beima
(4). Revival Camping New Colony Local Church liata a chhâh 3-na pazao haipa a châ. Campers maluh-81 ama châ. Speaker Rev.VBH. Sathei Thlyutha châ ta, Director Machâ C. Heihra a châ.
7. KTP Headquarters News:
(1). Rev. B. Beilua, President, ECM KTP Hqrs. cha sapa chieh-leina vâta Aizawl liata major operation awpa a châ. Dt. 28 July, 2018 khata Grace Private Hospital liata âpa châ ta, Lapartomy operation a châ. Awnanopazy ta thlahchhâkhei lymâ suh vy.
(2). Rev. Joseph Kôma Chozah, Secretary KTP Hqrs cha Awnanopazy thlachhâkheina zawzi ta târi noh 11-23 July, 2017 liata ECM Local Church, Ebenezer liata Crusade hneipa cha, Khazohpa chhithana topa ta apalâ kawpa ta ama pachhâ haw. Awnanopazy ama thôkhei kawpa ta pahnopa a châ hra.
(3). Laihsa S. Lalvenhimi cha WCRC Germany liata ahlaopa India avaw tlô tawhta, a ûhta (Venpuii) tlâh leina vâta Vellore liata a y hai. Eima thlahchhâna liata bao chy suh vy.
8. Siaha Pastor Bial Vocal Training: Dt. 24-29 July, 2017 chhôh heta Puhpa RC. Beilaizi Bôhia, Coordinator Music, ECM Assembly ta Bazar Local Church liata Siaha Pastor Bia Hlapy zy Vocal Training a hneikhei ta, amâ thôhkhei ngâsâ.
9. Mission News:
(1). Târi 27 Khihpa, 2017, Pohbiehnoh zâ dawh 6:30 kha ta ECM Mission pachhuahpanohpa ta Râhzohpa Byh siekhei awpa pathliena program cha Siaha Vaihpi Local liata hneipa a châ.
(2). Târi July 3-25, 2017 chhôh Chakma Mission Field liata tilaipa vâta rairuna atyhpazy baona châta Local Church tawhta Hqrs. liata pangiapazy cha a ry liata palâsapa hawhna heta a châ:
a. Rs. 4,79,873/-
b. Blanket 11 nos
c. Rizai 12nos
d. Chysia
10. Maraland Gospel Centenary Hospital: Date 19- 26 July, 2017 report.
1. Atlâhleipa admit zie – 24
2. OPD apamosa zie – 41
3. Ultrasound mopa zie – 20
4. Endoscopy mopa zie – 8
5. X-ray mopa zie – 21
6. Hawsaih pihpa zie – 4
7. Operation hneipa zie – 4
8. ECG mopa zie – 4
[Edited by BeiRôkhu Beitâ, Admin, MNN. Source: J. Lalvarliani, Coordinator(incharge Communication), ECM Hqrs. Siaha]
Photo: ECM Headquarters Building area, Siaha.