PALA, 18 August, 2024 – MTP Branch Pala ta eima biatuhpa MLA zachhihpa hnohta â sâh chaipa zana eima hlâ. Eima Branch ta chhieno nata phano daihti liah ta hmâ awpa Sound eima peimawh ngaitapa cha, eima peimawhna zy maniah pahnokhei ta Stranger (sound) pha kawpa maniah chaleipa/pie tuhpa Puhpa K. Hrahmô, MLA, 40-Palak ST (A/C) biatuhpa chô liata pathipalôru tawhta alynabie eima reih hmeiseih.
Eima biatuh zachhihpa chô liata taotheipa, pie palie awpa hnei ma pi. Abeipa ta y pâ lymâ sala ti nata râh, bia châta Biatuhpa riaphapa, thatlôpa châ lymâ sala, kao totie liata ryrao thaina hnei lymâ sala, thyutliapazy kyhpachâtuhpa achâ lymâ na hawta a ti nata râh, abia châta adua pazao lymâ awpa nata hmiatôh lymâ awpata Pala MTP manôhzy pita khokhei pita, eima thlahchhâna a châ.
He stranger a sievawna nata chaleina ky liata maniah vaw buakheituhpa eima khi Satlia. K. Methusela (Pame) (Ex-President, MSO, Joint HQ Aizawl) chô liata eimâ ly zie reih tia ma pi.
MTP Stranger cha târi 17/8/2024 zâ liata President ta za tlôkhei ta, he zâ liata Abeipa lâta hlâna daihti hmâpa a châ.
Pp. L. Zere, Gen. Secretary ta Pahyna nata hlâna daihti chhihtha ta, Pp. KB. Ngalai, President ta report a pie.
Kmc. K. Chhuakhai, Adviser, MTP ta alynabie reina a hnei. MTP Advisor bierei lymâna liata hmo mâ ru ngaita pa nata eima hnei mâh leipa MTP stranger rei thei bâ awpata a Khokhei patluana maniah patosa tuhpa MLA Biatuhpa hnohta alynabie reih ta. He stranger heta MTP châta chhieno nata phano daihti apeimawhna lia maih ta hmâ thei awpa eima vaw hnei ha tawhta cha ahneituhpa châna apahno na chô ta, chado ta, mohôh pahnie bâ awpa he eima maophaohna a châna zie reih ta, stranger eima hnei tawhna heta thyutliapazy kao totie liata reihraona, hmahsiena eimâ lana a châ lymâ theina awpata alykawpa ta pahyna nata Abeipa lâta hlâna thlachhâna hnei ta. Thopi pahâkawpa do khai tawhta daihti pachhâpa a châ.
By: MTP Branch : Pala
Târi 18/8/2024