SUPHA, 30 April, 2024, Chutynoh (Maraland.net) – Mizoram District hry liata African Swine Fever (ASF) virus hri a charei leina District hawhta pachâpa Siaha District chhôh liata hri hmôpa a châ.
He ASF hri chareipa ama hmôna su he Supha khih châ ta, MADC nata Mizoram sawhkhâ ry liata Vety. lâ chyhsa thaipazy ta ama mopasiana liata Supha khih liata Vao ypa zydua cha ASF pasana ama hnei khaipa ta pahnopa a châ.
Chavâta Supha khih liata Vao ypa zydua cha feet 6 athupa lei chaopa ta pabu khaipa a châ. He hawhta athaipazy ta tao awpa ama tahna chhâpa cha ASF hri â pôh lymâ awpa vaina châta a châ.
Supha khih lia tah deileipa ta cha Siaha District chhôh liata ASF hri a chareipa ta pahnopa châ vei.