SIAHA, 20 Hmypi, 2025, Pobienoh – Atanoh dawh 7:00 AM khata Siaha Vaihpi Tlyliah liata Mizoram State Day pachhaipa ta “Na khinarâh vaw tlô mawh sy” (Mathai 6:10) tahpa biepipa hmâpa ta Thlahchhâ Paraohna hneipa a châ.
Rev. C. Beima, Chairman, Organising Committee ta he daihti he chhihtha ta, Rev. K. Laichhua Azyu chuan, Moderator. ECM Assembly ta pavaosana a hnei.
Machâ Lalchhuanawma, Secretary, Organising Committee tawhta report nahthliepa châ ta, ECM Assembly Choir, Siaha zy ta rônah kawpa ta hla ama paryh.
“Na khinarâh vaw tlô mawh sy” tahpa Thlahchhâ biepipa tawhta biepi hropa sâpalih lâ pachhaih pachhuah heihpa châ ta, a ry liata palâsapazy ta biepi pachhaihpachhuahpa liata Thlahchhâ paraohna he ama chhihtha:-
1). Captain Lalthanpuia Ralte, C/o Salvation Army Siaha Corps.
2). Pro Pastor Johan Lalanpuia, BCM Siaha.
3). Rev. VL. Ngaia Hlychho, ECM Pastor, Bethel Biatuhpa.
4). Major S. Lalrampuia, Assistant Secretary, Organising Committee.
Brass Band Salvation Army zy tawhta Musical Instruments hmâpa ta Pyungiapa nahthliepa châ ta, Pihnô P. Chaki ta alynabie reina daihti hmâh ta, Rev. Remnalalduhawma BCM, Siaha West Pastor Bia chata Byhnâ Aw thlahchhâna hneipa ta programme he achhâna taopa a châ.
He programme he ‘State Day of Prayer Organising Committee’, Siaha pachhuapanohpa châ ta, Mizoram District hropazy nahta â raohpa ta daihti ahmâpa a châ.
(Edited & Published by Admin, MNN. Source: Evelyn Chozah, Stringer, DDK Siaha)