Tahmâno Mizoram ta Black Cat Commando ama hneipa nazy alâ luah tlôhta, Keimo Mara rah cheingei chhao Marasaw Black Cat Commando eima vaw hnei thlâh hra.
Name: K.T. Chozah
Father’s name: V. Chozah
D.O.B : 2/3/198
Address: Siaha College Vaih
Black Cat Commando akaw châ laihna dâh:-
K.T. Chozah he, 2005 khata Assam Rifles Football team lia angia ta. Kô 2012 liata, Detective team lia a roh patloh heih, he team lia heta, August 2016 taihta ahria. Tawhta, Nagaland lia ama post no he, Black Cat Commando training aw pata, NSG lâ tawhta hruana dao ta akhoh kaw nachô ta aro pâ kawta, chahrasala Black Cat Commando training awpa tacha, August thla chhâ la , 2016 kô lia kha , trainingna suh pipa Haryana (Maneser) cha a za tlô haw hra.
A rairuna:-
(a rei laih lyma na dah hawta.. )
Eima training chhôh he thla 3 ngala hma châhrawsala arairu kawta rairuna hlupi chhao eima ty hra. Eima training no ta ei phei chaveila hmah phao haw nata eima training instructor hnota chhuti hiah nata eima test ahnia haw hnaita chhuti awpa na pasaih lei pata, ei palôru ta a test awpa cha ei siepahlei lei tlamaw tahpa chi pahuh kawna chô ta thohna zy vaw nie nata azie chhao a vaw y via haw hra.
Eima training kha avaw rairu kaw tlaina â châ ei aw, chyhsa 272 a training pita, 82 ngala eima training papua.
Black Cat Commando châ aw pata selected pa ei châ:-
Chahawta palôru ngia ryh leipa nata chi pahuh pâ kaw nachôta ei y ngâhlâh no chata eima result vaw pua ta Black Cat Commando châ aw pata cha, December 17 kô 2016 lia khata selected pa vaw châ nata tahma he, Alpha team liata ei y hai hra.
He hawta Marasaw Black Cat Commando Eima hnei theipa he a palai khei hmeiseih pita, a sie laih nawpa lia chhao khokheina sâh chaipa eima hla hmeiseih.