SIAHA, 29 Thlarâh, 2019, Abeipanoh – Ary liata palâsapazy he târi 22-28 Thlarâh, 2019 chhôh ta ECM Headquarters liata thâtih thiehpazy nata Mission chakaona thâtih palapakhypa a châ.
- MODERATOR:
(i). Rev. C. Beima, Moderator ECM cha târi 26-27 Thlarâh, 2019 chhôh ta New Siaha Local Church zy ta ama Local Church Diamond Jubilee nata Achhyna O thiehpa pahyna daihti a hmâkhei. Târi 26 zâ liata program pahyna hneipa châ ta, târi 27 (Chutyhnoh) ta Achhyna O thiehpa he pahyna a hnei.
(ii). Târi 28 Thlarâh (Pachyhnoh) kha ta Puhpa KT. Rokhaw, MLA, Tipa biatuhpa hruana hawhta Assembly Nôpawpazy nata Church Officer zy nahta my dawh 8:00 kha ta pati dôh khohna ama hnei.
(iii). Atanoh târi 29 Sept (Abeipanoh) my apakhyna liata College Vaih Local liata chakaona a hnei hra.
- SENIOR EXECUTIVE SECRETARY:
Rev. Dr. Laiu Fachhai, Senior Executive Secretary cha târi 27 Thlarâh, 2019 (Chutyhnoh) ta ECM Local Church, New Siaha Achhyna O thiehpa pahyna program liata bietana chyupa reina hneipa ta a hmâkhei.
- EXECUTIVE SECRETARY (Edu):
Târi 28 Thlarâh, 2019 (Pachyhnoh) kha ta Rev. Dr. S.T. Zawsi, Executive Secretary (Edu) cha Social Mission Dep’t nata JAC zy program ‘Paritheipa Adyuhna’ awareness campaign hneipa ta Lôbô lâ a sie. Ano raohpa ta Ms. Ellen Hlychho, Coordinator, Social Mission chhao sie hra ta, program hlaotloh ngâsâpa ama hmâh tahpa bie daopa a châ.
- EXECUTIVE SECRETARY (MISSION) :
(1). REPORT:- Târi 26 Thlarâh, 2019 Thâtihpha Tlô Noh khata Mara Welfare, Lawngtlai liata ypazy program hmâkhei awpa ta Rev. T.Salaw, Executive Secretary (Mission) cha Lawngtlai lâ sie ta. Ano raohpa ta ECM Missionary to SIM, Ms. Damary P. Hlychho ta a zi hra. Damary he ta report a pie hleikhô ta hlata chakaona a hnei pâ hra. Zawpi ta ama vaw pasô ngâsâ.
Lawngtlai liata Marasaw ypazy, Awnano hawhta amâ duah pathlah leipa vâta ‘Lawngtlai Mara Welfare’ ta amâ duah chy. Ama OB nahzy:-
1) Chairman : Puhpa Beichhua,
2) Vice Chairman: Puhpa C.Sihu,
3) Gen. Secy. : Puhpa J. Vabeizachhi,
4) Asst. Gen. Secy. : Puhpa VB. Pachha,
5) Info. Secy : Puhpa K.K .Khailei,
6) Fin. Secy : Puhpa A. Beichônô,
7) Treasurer : Pihnô C. Ngunteii
He nahzy hleikhô ta Executive Committee member 9 ypa ta, Sr. Adviser 2 ama y hra.
Lawngtlai Mara Welfare liana heta Odyh 40 rahchhôh y ei ta, member he 100-150 rahchhôh ama châ hra.
Gazetted Officers 10- chapaw 6 nata chanô 4 tlai ama y.
i) Dr. Thaizi – Sr. M.O
ii) Angô Syhly – Civil Judge
iii) Dr. Chiki Azyu – M.O.
iv) Pihnô Navi – High School Teacher
v) Puhpa H. Vabeitha – DC of Tax
vi) Dr. K. Beiparysa – M.O
vii) Puhpa Beimosia Lapi, MPS – SDPO
viii) Puhpa Beimozachhih, MCS – SDC
ix) Er. Perry Miehlô, MES – PWD SDO
x) Puhpa A. Solai, ACF- Forest Dep’t (GoM)
Amâ pakhyna liata ama vei chaipa cha Mara Awnanopa py 2 ta lâ eimâ pachhaihpa he châ ta, apôhkha thei heihpa châsala thapa he ama khona a châ hra.
He kyh liana heta Awnano zydua campaign taih ta hnei awpa ama khona bie daopa a châ hra. Târi 26 zâlâ kyhchhina hneipa a châ hra. Lawngtlai lia heta Mara Awnanopa â duah thei nawpa ta Achhyna O hmo awpa chhao hneipa a châ ha hra, Lawngtali Mara Awnanopa â duah thei nawpa ta thlahchhâkhei awpa ta maniah amâ haw hra.
(2). TOUR PROGRAMME:- Târi 3 October, 2019 tawhta Mission Fields – Tiwa, Mishing, Arunachal nata nepal zy tly awpa ta Rev. T.Salaw, Executive Secretary (Mission), Machâ S. Lalremthanga nata Machâ JC. Mawsi zy ama sie aw; a palâ kawpa ta Mission Field zy ama tly thei nawpa ta thlahchhâkheina ta bao chyu suh vy.
- MISHING MISSION:
1). Mishing Evangelical Mission (MEM) ta Apahrana programme ahmâpa cha a chhâna lâchhâh avaw hnia ha bâ pi ta, Group ‘B’ nahzy cha achhâ zâ Rev.L.Lychhua Director o liata hneipa châ aw ta, Director ta nie pahmaona a pachhuapanoh pâ aw ei.
2). Holy Grace School hatinah zy 2nd unit test 25th Thlarâh tawhta pathao ei ta, atahmâ exam ama ro ngâno a châ. 4th October ta ama pachhâ aw.
3). Mishing liata kôcharei ta ama vaw tao tyhpa hawhta Youth Competition cha 8th October ta Kalvari church, Tayung liata hneipa a châ aw. He competition he hindu puja (diwali) daihti nata pachhyh tyhpa a châ. Achhâpa cha Mission field liata krizyhpa thyutlia penawhzy ta hindu puja lâta ama pua lei n’awpa ta pakhâna nata thlapa lâta athôhna achyhta chhâ vaw hnei ei sa la tahpa khona vâta tao tyhpa a châ.
4). Thlahchhâkhei ahawna:
a) M. Teihmo, S/o M. Ngochho tlâh leipa châta.
b) Holy Grace School hawtina exam nga penawhzy ta rairuna y leipa ta exam apha kawpa ta ama patlô thei n’awpa ta,
c) Holy Grace School liata student sponsor-tuhpa zydua ta sapa nata thlahpa liata byhnâ vaw to ei sa la, school fees zy adaihti ta liata ama pie lymâ thei n’awpa ta.
- TIWA MISSION:
1). Field Director: Abeipa ta âryh atah khiata cha târi 29 Sept 2019 (Sunday) noh liata Rev. Khabi Chozah Field Director cha Krombaroh Local Church liata chakaona a hnei aw.
2). Bâti pachâsa: Târi 22 September 2019 Pahânoh liana khata Pachimnagaon Local church liata manôh pakha Miss Phaguni Madar cha bâti pachâsapa châ ta. Rev. Joytist, TEC Chairman ta bâti apachâsa. Angiapânazy â i lymâ sa la, Krista châta keihzy avaw chakâ papua lyma thei n’awpa ta thlahchhâkhei ei suh u.
3). Sunday Sikul Department (KHP) day: Atakô 2019 Pachimnagaon Local church KHP day cha kyhchhina ta hmâ awpa châ ta. He noh liata Speaker châta Rev.Khabi Chozah Tiwa Field Director paduapa a châ. Biepipa: Biesozy 6:20.
4). New Life High School châta Book-shelf donate : Tiwa Autonomous District Council tawhta New Life High School châta Steel Almira (Bookshelf) donate ei ta. Tiwa Mission field liata hriatuhpazy ama ly ngaita kaw. Thursday noh liana khata Principal Mrs. K .Minary ku liata hlâpa a châ.
5). Missionary Puhpa S.Beihropahnie programme : Târi 28 September 2019 noh liata Puhpa S.Beihropahnie, Nazarighat station châ Guwahati MCF & MSO Freshers & Social welcome program liata Devotion hnei awpa ta ama hrua.
6). TEC Apahrana program: Atahmâ no he TEC Awnanopazy cha apahrana program ama hmâ haino châ ta, Member zy ama pua pha kaw hra. Atahmâ hâta zâ chareih ta members apua theipa average 36-42 ama châ. Awnanopazy ta thlahchhâkhei via lyma ei suh u.
- CHAKMA MISSION:
1). Chakaona lâchhâh: Târi 27 Thlarâh, 2019 lia kha Rev. KP. Azyu Field director hmâpa ta Missionary zy ama hriana su chi nah pho reih thai awpa peimawhzie tahpa biepi hmâpa ta Seminar hlaotloh kawpa hneipa châ ta, zâlâ kyhchhihpa pahâh kawpa chhao hnei pâpa a châ ta, hriatuhpazy amâ thôhkhei ngâsâ.
2). Hriatuhpazy duahmo:
(1). Missionary TT. Diki paw Machâ TT. Zalai, Zyhno Lôtai Awnano Hyutuhpa cha târi 26.9.2019 lia kha ta miah â pahâ sai haw. TT. Diki he Mission pastor V. Chozah Lahpinô a châ.
(2). Beisunaw nahta ama nô chhao Aizawl lâ medical check-up awpa ta ama siepa kha a tlâh kawpa ta Siaha kaw tlô ei ta, ama result chhao apha . Awnaopazy thlachhâkheina vâta alyna bie ama reih.
(3). L. Liako cha ama nô Susani tâtâh hnei awpa a châpa vâta eima râh la y chy ei ta, apalâ kawpa ta hawsaih hmia ama hmô thei n’awpa ta thlachhâkheina amâ ngia ngaita kaw.
- ODISHA MISSION:
1). Awnanopa zawpizy thlahchhâkheina Abeipa ta achyh ei ta, târi 22 Sept 2019-pa kha ta Ngiapâ thiehpa manôh 3 ta Zisu Krista cha ama Beipa nata Pachhatuhpa ta apyhpa ta Bâti pachâsapa ama châ.
2). Târi 24 Sept 2019 khata Kandhamal District lâta hriatuhpenawh zy Abeipa lâta ahlâ pathiehna thlahchhâna nata chakaona report zy piena daihti pha kawpa Mission Pastor Beirôna Hlôvy O liata ama hnei.
3). Local Evangelist Mishra Digal thâtihpha chhona tawhta Ody 2, maluh 8 zy cha Krizyhna lâ avy awpa ama khoh pathao ngâhai. Abeipa hnoh ta thlahchhâkhei suh vy.
- MARALAND GOSPEL CENTENARY HOSPITAL:
Târi 19 September- 26 September, 2019 chhôh report.
1). Tlâhleipa âpamosapa zie – 83
2). Tlâhleipa admitpa zie – 43
3). Ultasound mopa zie – 24
4). X-Ray – 15
5). ECG mopa zie – 1
6). Endoscopy mopa zie – nil
7). Hawsaih pihpa zie -7
8). Athipa – 1
9). Emergency Case – 12
10) Operation hneipa zie –4
(Published by J. Lalvarliani, on behalf of Communication Department, ECM Assembly. Edited & Published online by Admin, maraland.net)