SIAHA, 4 Phiapi, 2019, Hriatuanoh – Atazâ dawh 6:30 Pm liata ECM KTP Headquarters pachhuahpanohpa Inter Branch KTP Quiz Competition cha hnei nawpa su ECM New Siaha Awnano Hall liata Rev. Dr. S.T. Zawsi, Executive Secretary i/c Education, ECM HQ ta pahyna a hnei.
Pahyna Programme he Kmc. K. Lalneikima, Finance Secretary, ECM KTP HQ ta Chairman châpa ta chhihtha ta, Kmc. K. Vabeitha ta Devotion a hnei.
St. Lalremruata Khithie, Secretary, Organising Board ta Quiz Competition tao awpa ta amâ patohpatiana Report pie ta, Quiz Organising Board nata Participant zy Hmiapahnosana a hnei.
ECM KTP Branch: Meisavaih nata Edenthar tawhta Hlapy ta chakaona hnei ei ta, St. Dominic Azyu, Active Member, KTP Bethel tawhta Solo nahthliehpa a châ.
Puhpa Lungmuana Hrahu, President, ECM KTP HQ tawhta biereina chyupa nahthliepa châ ta, Main Sponsor tuhpa Ls. K. Ngôpawpi tawhta biereina chyupa nahthliepa a châ hra.
Rev. F. Vanlaldika, Biatuhpa, ECM New Siaha Pastor bia ta Benediction hneipa ta Pahyna Programme he khawpa a châ.
Quiz Competition he târi 6 Phiapi, 2019, Pakhynoh tawhta hnei pathaopa châ aw ta, târi 16 Phiapi, Pachynoh liata pachhâ awpa ta apahawhpa a châ.
(Admin, MNN)