ECM Headquarters: General & Mission News

SIAHA, 10 Phiapi, 2019, Abeipanoh (MNN) – Ary liata palâsapazy he târi 3-9 Phiapi, 2019 chhôh ta ECM Headquarters ry liata General & Mission chakaona thâtih lapakhypa a châ:-

  1. MODERATOR:

Rev. C. Beima, Moderator, ECM cha Târi 8- 11 November, 2019 chhôhta Hindi Christian Fellowship Pakhypi (Convention), Chheihlu liata hnei awpa liata Speaker châpa ta chakaona a hnei ngâ hai. Awnanopazy he Convention châta nata Moderator chakaona châta thlahchhâkhei suh vy.

  1. SENIOR EXECUTIVE SECRETARY:

Rev. Dr. Laiu Fachhai, Senior Executive Secretary cha November 6 – 10, 2019 chhôh ta Mara Biehrai Mopasiana rai, Shillong liata ama hria ngâhai no a châ.

  1. EXECUTIVE SECRETARY (Edu.):

Rev. Dr. S.T. Zawsi, Executive Secretary i/c Education (Edu.) cha târi 10 Nov, 2019, Abeipanoh my service liata Bethany Local Church liata bierei chakaona a hnei.

  1. EXECUTIVE SECRETARY (Mission):

Rev. T. Salaw, Executive Secretary i/c Mission chata târi 9 Nov, 2019, Pachyhnoh zâ liana khata Edenthar Local Church liata chakaona a hnei.

  1. ODISHA MISSION:

(1). ECM KNP Branch, Bethany member thokhazy ta a thyupakhy ei ta, Odisha Evangelical Mission mohôh haipa member zy rai awpa Odia Bible chalei n’awpa ta Rs. 17,000/- baona za pie ei ta, ama chô liata OEM chata alyna bie ama reih hmeiseih. Abeipa ta ama zydua chô liata a ngiachhiena byhnâ ahluhpi ta vaw patlôsa via lymâ maw sy.

(2). Kandhamal Area:

(i). Târi 31. 10. 2019 pa tawhta 2. 11. 2019 chhôh ta Local evangelist nahzy cha OEM ry liata Awnano ama hneina zydua nata a chheihpâh liata member zy visit-na nata outreach ministry ama hnei.

(ii). Sunapanga House Church liata krizyh leipa chhôhkha tawhta member pakha ta Krizy awpa khoh ta, târi 3 November, 2019 tawhna khata ama pawhrâhpa rei leipa ta amâ vaw pakhy pathao. Zisu Krista vaw hmô pasia ei sala, chhôhkha ki khaipa ta Zisu Krista ngiatuh phapa ama vaw châ khai thei n’awpa ta thlahchhâkhei ei suh vy.

(iii). Târi 5. 11. 2019 pa khata hriatupenawh ahmô pakhyna hneipa châ ta. Bible bie tawhta apasyuna nata chakaona liata hmasie n’awpa dâh zy reipahmaopa ta, hâta ei 1 chhôh ta ama siepapu na report zy ama pie. Abeipa lâ liata ahlâ pathiehna zy hneipâpa a châ.

(iv). Târi 6. 11. 2019 pa kha ta Missionary zy nata Local Evangelist- nahzy ta chakaona pakawh n’awpa su awpa zy tluapa ta, 25km rachhôh bia liata survey ama hnei.

(v). Târi 3. 11. 2019 pa kha ta Bereshit Church, Karnetpur liata Pastor Beirôna Hlóvy ta Abeipa tlakhai Pathaipa raina a hnei. Târi 10. 11. 2019 liat Sunapanga House Church liata Abeipa Tlâhkhai Pathaipa pachhuahpanohpa a châ heih aw.

Kandhamal Dist lâta ngiapatuh penawh he ta Thla 1 liata ei 1 he Abeipa Tlâhkhai Pathaipa he ama vaw dôh tyhna dah a châ.

(3). Sambalpur Area:

(i). Târi 1 & 2. 11. 2019 pa liata OEM Missionary nahzy nata Local Evangelist zy ta Hirakud chheipa liata ama member-zy nata Krizyh leipenawh-zy tly laihpa châ ta, tlâleipa zy châta thlahchhâna ta daihti ama hmâh hra.

(ii). Târi 4. 11. 2019 pa kha ta Theophila House Church ta Achhyna O a hnei thei n’awpa tahpa pachâ pahmaohpa ta Missionary zy, Local Evangelist zy nata member zy chhaota Puhpa Sanjay Gosh O liata meeting ama hnei. Theophila House Church ta Achhyna O ama vaw hnei thei n’awpa ta thlahchhâkhei chyu suh vy.

(iii). Tlâhleipa châta thlahchhâ ahawna: OEM member hry liata pawhrah chaipa, Puhpa Sanjay Gosh sawchapawpa, kô 6 a u theipa cha, a phei liata i (Dog) ta sie ta, treatment la ngâhaipa a châ. A hmahzy lai kaw ta, thlai ta a vaw tla thei n’awpata Awnanopa zawpizy ta eima thlahchhâna liata a thei chyu suh vy.

  1. TRIPURA MISSION:

(1). Atahmâ hâta chhôh ta Baptisma pachâsapa zie cha 4 ama châ.

(2). Agartala liata Fellowship December 2019 tawhta pahypa a châ aw.

(3). Târi 22.11.2019 ta TBCU nata ECM partnership closing program TBCU Hall, Agartala liata hmâpa châ aw ta, târi 23.11.2019 pa ta Mwtimaidan Evangelical Church pahyna hneipa châ aw ta, târi 24.11.2019 pa ta Saidachhera liata Field thiehpa pahyna hneipa a châ aw. Eima Headquarters nôpawpa zy ta he program zy he ama za hmâhkhei aw.

  1. ARUNACHAL MISSION:

(1). Healing crusade: Changliang Prayer Centre liata Healing Crusade cha 8 Oct 2019 za la 4: 00 Pm pa tawhna khata a hmâh pathao awpa ta Field Director Rev. Telung Chozah ta pahyna nata Abeipa lâta pavaosana a hnei. Healing Crusade he Chutyh zâ tawhta ahmâ lymâpa châ aw ta, Abeipanoh zâ ta a khawna programme ahmâpa a châ aw. He healing crusade hmâpa ta ngiapathiepa ama vaw y thei n’awpa châta nata tlâhleipazy ta tlâhna phapa ama vaw hnei thei n’awpa châ ta Awnanopazy thlahchhâkhei awpa ta maniah amâ haw ei.

(2). Alyna bie reina:

(a) Changliang Prayer Centre liata hriatuhpazy thlachhareih apasaih kawpa hriatuhpazy ama lymâ awpa châta thlachareih avaw sponsor tuhpazy chô liata Arunachal Mission Field ta Zisu Krista moh ta alyna bie areih. Atahmâ taih liata ECM HQ: Nission nata Mission Field A/c siepahliepa ta Phusâ sponsors ama hmôpa zy cha ary liata palâsapa a châ.

(i). Mc. K. Vanlalliana (Sept) Rs. 3,000/-
(ii). Kmc. K. Chhuahbei (Sept) Rs. 4,000/-
(iii). Bethany LMB (Oct) Rs. 1,500/-
(iv). Ebenezer KNP (Oct) Rs. 2,000/-
(v). FC. Ngôkhe (Nov) Rs. 1,000/-
(vi). TT. Nôkhei (Nov) Rs. 500/-

(3) Ls. TT. Nôkhei a tlô ngâhaipa Dimbwe Missionary’s Quarter liata Toilet & Septic Tank taona châta Bethany Local Church tawhta Phusâ Rs. 40, 000 donation hmô ei ta, ama chô liata Arunachal Mission Field ta Zisu Krista moh ta alyna bie a reih. Dimbwe Missionary Quarter he Awnanopa member baona phusâ zy tawhta atakô August thlâpâ liata sa patlôpa a châ.

  1. KTP HEADQUARTERS:

Inter Branch KTP Quiz Competition cha târi 4 Phiata, 2019, Hriatuanoh tawhta ECM Local Church, New Siaha liata pathaopa châ ta, târi 16 Phiata, 2019 taih he program he hneipa a châ aw. Atakô Quiz Competition liata Town Branches tawhta branch ahlao theipazy 14 châ ei ta, Siaha Town khôtho tawhta branch 7-zy ta ama hlao thei hra. Quiz Competition he NSV nata HSV Local Channel zy siepahliepa ta Live Telecast taopa châ ta, zawpi zy, O lâ tawhta vaw moh chyu hra awpa ta maniah ama hrua.

  1. CHRISTIAN HINDI MINISTRY:-

ECM Headquarters ry liata Christian Hindi Ministry (aka Hindi Christian Fellowship) Pakhypi ei 20-na cha târi 8-10 Phiapi, 2019 chhôh ta ECM Local Church: Chheihlu liata hnei ngâhaipa a châ. He Pakhypi laipa he maluh 240 râchhôh ama tlô theipa ta bie daopa a châ.

(Chheihlu he, atakô kô thaona lâ liata KPP Pakhypi patlô ei ta, atahmâtahpa chhao ta atakô chhôh liata Pakhypi laipa ei 2 ama patlôna a châ. Chheihlu Awnanopazy apasaina he arônah ngai ta, Khazohpa ta alie hluhpi byhnâ pie mawh ei sy.)

  1. THÂTIH LAPAKHYPA:

1). Sunday School Exam nawpa dâh pahnosana : Atakô 2019 Sunday School Exam he 17th November, 2019 liata hnei awpa a châ. Exam dâh awpa cha he hawhna heta a châ aw:-

(1). Beginners tawhta Senior – Achuna Bu mo leipa Achhyna/Hall liata exam awpa a châ aw.

(2). Pitlohpa deikua Achuna Bu mopa ta Achhyna O/Hall liata exam awpa a châ aw.

(3). Exam paper he Exam noh liata rai awpa a châ. Exam noh ta pangia (submit) pâ awpa a châ aw.

  1. MARALAND GOSPEL CENTENARY HOSPITAL:

Târi 1 November- 7 November, 2019 chhôh report.

1). Tlâhleipa apamosapa zie – 150
2). Tlâhleipa admit zie – 31
3). Ultrasound mopa zie – 57
4). X-Ray – 33
5). ECG mopa zie – 7
6). Endoscopy mopa zie – 11
7). Hawsaih pihpa zie – 1
8). Athipa – 1
9). Emergency Case – 8
10) Operation hneipa zie – nil

(Published by J. Lalvarliani, on behalf of Communication Department, ECM Assembly. Edited & Published online by BeiRôkhu Beitâ, Admin, Maraland.net)

Leave a Reply

Your email address will not be published. Required fields are marked *