MTP General Headquarters tawhta pahnosana

SIAHA, 8 Pachawh, 202 – Puhpa Hiphei miah â pahâsaipa he MTP General Headquarters ta pei tah hmeiseih pi ta, taokheina na zana zy chhao eima theina rakha hawh ta tao awpa ta atanoh OB Emergency Meeting ta pathlupa a châ.

He hleikhô ta ari, Mararâh â vaw ngia tawhta MTP General Headquarters ta lapa châ aw ta, ary liata palâsapa hawh ta ryhraona chhao taopa a châ:-

1. Kaochao East/Tipi Ferry liata MTP General Headquarters ta vaw y dy aw ta, maophaoh ama la aw.
2. Meisatlâh, New Colony-IV, College Vaih, New Colony Bus Station zy siepahliepa ta Siaha Vaihpi Field ngaikheipa a châ aw.
3. Siaha Vaihpi Field tawhta ari pazia nawpa su Puhpa KH. Hachhua O taihta MTP Branch: Siaha (Vaihpi) ta amâ sy aw.
4. Puhpa KH. Hachhua O liata paziapa ta Programme chyupa ahmâ khaipa a châ tawhta MTP Branch: Siaha (Vaihpi) ta Vaihpi Field taihta amâ vaw sy aw.
5. Siaha Vaihpi Field tawhta New Siaha Traffic Point (Vety. kawn) taihta MTP Gen. Headquarters ta a kaw siekhei aw.
6. New Siaha Traffic Point tawhta Puhpa Hiphei ‘L’ Opi (Opp. New Siaha Bazarshed) taihta MTP Branch: New Siaha zy ta amâ sy aw.
7. Opi angia khei tawhta ri pasiena daihti taihta MYA ku liata pahniehpa a châ.

NOTE:-

1. MTP Branch: Kaochao East/Tipi Ferry zy ta amâ ryhpaohna hawh ta Mara Dress ta atobipa ta ama vaw dy hra aw.
2. Beinô tawhta Siaha Vaihpi Field likawh liata a chapiapa MTP Branch zy ta eima branch ôna chyu liata eimâ ryhpaohna chyu hawh ta vaw ydy awpa ta eimâ pahnosa. (Atheipazy ta cha Mara chei-o ta atobipa châ sala – lâthlôh liata avaw paziah awpa a châ aw.)
3. DC lâ tawhta miah amâ hawna hawh ta, eima ôna area liata zana eima vaw palâsapa khô lâ ta ari he phei ta tly ma, motor ta tly ma pazi tlâ lei awpa a châ aw.
4. Kaochao East/Tipi Ferry taihta azâ dy awpazy cha DC Office tawhta pasaina ahneipazy dei ngâlâh châ aw ei ta, he nahzy he Siaha Vaihpi Field taihta pathlie aw ei ta, he khai tawhta ama O chyu lâ adi awpa a châ aw.
5. Siaha Vaihpi tawhta ri âzia pathlah nawpa New Siaha lâ akhy awpazy cha chhôhkha sanawh zy ngâlâh ama châ awpa a châ.
6. Covid-19 vâta rairuna eimâ tyh lei nawpa ta zawpizy ta he ryhraona he miah apykhei chyu awpa ta eimâ haw.
7. Ri kiah awpazy cha VLTF zy pahnosa awpa a châ.

Sd/- Secretary
i/c Information & Publicity
Mara Thyutlia Py
General Headquarters
Siaha