SIAHA, 11 Pachawh, 2020 – Atanoh dawh 1:00 Pm pa ta Central Young Lai Association(CYLA), Lawngtlai nôpawpazy ta MTP General Headquarters: Siaha office ama vaw tly.
Avaw tlypazy:-
- JH. Lalrindika,
General Secretary - M. Saingura,
CEC Member - Martin F. Lalnunhlima,
CEC Member
Ama vaw tlyna daihti he MTP Gen. HQ OB meeting hnei khai tawh a châ vâta OB zy aki pha kawpa ta amâ vaw pakyh.
Dawh 1 chhôh tlai bielôhawhpa nata Covid-19 adyuhna liata hmahlanazy rei pahmaohpa châ ta, CYLA tawhta Puhpa
JH. Lalrindika, General Secretary ta hmia apahnosana nata biereina chyupa hnei ta, MTP Gen. HQ tawhta Puhpa S. Vabeihasa, Vice President nata Puhpa Pakhaw Chozah, Gen. Secretary zy ta alynabie reina nata biereina chyupa hnei ei ta, St. Beirokhu Beita, Secy. i/c Info. & Pub. ta hmia pahnosana a hnei hra.
MTP nata CYLA zy he hmialâ daihti tawhta ti nata râh chakaona kyh liata apha kawpa ta avaw hrialâh lymâpa ama châna hawh ta CYLA nôpawpazy he ta Covid-19 vâta Lawngtlai tawhta Bualpui etc. zy ama kaw tlypa amâ zâ liena lâta MTP Gen. HQ Office he ama vaw tlypa a châ.
MTP Gen. HQ ta apahy kawpa ta avaw pakyh ei ta, Covid-19 adyuhna kyh liata CYLA nata asaohiah raihriepa ta apha kawpa ta hrialâh lymâ awpa ama khoh raihrie ziezy reihla châ ta, CYLA nôpawpazy chata biepha leipa nata rairuna tly ma, mo pakha phahnai ngiahna vâta road block tah hawhpazy tlyma reina a vaw y hapa chhao ta CYLA liata hiahripasia tua tyh awpa ta ahaw ei ta, bie do leipa kyh ahiezawh tuhpazy chô liata abyuna hawh ta CYLA ta hmah a la lymâ awpa zie ama reih hra.
He apakyhna he MTP Gen. HQ Conference Hall liata hneipa châ ta, daihti chhâna lâ liata nohthlah lana hneipa ta apathliepa a châ.
Sd/- BeiRôkhu Beita
Secretary
i/c Information & Publicity
Mara Thyutlia Py
General Headquarters
Siaha