SIAHA, 15 Pachawh, 2020 – Atanoh dawh 4:45 Pm liata MTP General (Gen.) Headquarters(HQ), Siaha ta MTP Sub-HQ ama tly.
He ama tlyna chhâpa he Covid-19 adyuhna châta MTP Gen. HQ liata baona avaw ngiapazy tawhta sôh hmôpa bao pachhuah awpa a châ.
MTP Gen. HQ vyuhpa ta asie theipazy:-
- Pp. S. Vabeihasa, Vice President
- Pp. Sahlô Bôhia, Secy. i/c Social Welfare
- Pp. Reuben Hlychho, Secy. i/c Games & Sports
- St. Beirôkhu Beitâ, Secy. i/c Info. & Pub.
- St. C. Sakhawliana, Exe. Member.
- Lalremruata Sailo, Active Member, MTP Branch: College Vaih.
Baona hlâ pâ nawpa châta apakyhna hnei awpa ta MTP Sub-HQ: Saikao Opi liata programme chyupa taopa châ ta, Puhpa S. Vabeihasa, Vice President, MTP Gen. HQ ta chhihtha ta, daihti thaona liata Puhpa Z. Beihroly, Ex-President, MTP Sub-HQ: Saikao ta thlahchhâna a hnei.
MTP Gen. HQ vyuhpa ta St. Beirôkhu Beitâ, Secy. i/c Info. & Pub. ta Covid-19 adyuhna liata MTP Gen. HQ hmahlana tlâhpizy report chyupa pie ta, he hleikhô ta MTP zy pi he Mararâh ti nata râh, leilô hnei tuhpa nata kyhpachâ tuhpa eima châna hawh ta Covid-19 adyuhna kyh liata tiama papua via lymâ awpa ta ahawna tao ta, ahmôna daihti phapa ama hnei thei vâta nata daihti phapa avaw chhuanoh tuhpa MTP Sub-HQ: Saikao nôpawpazy hnoh ta alynabie a reih hra.
MTP Sub-HQ: Saikao vyuhpa ta T. Hneirô, Vice President ta Covid-19 adyuhna kyh liata hmahlana report chyupa pie ta, Puhpa J. Beirasa, President ta biereina chyupa nata alynabie reina a hnei hra.
Puhpa S. Vabeihasa ta MTP Sub-HQ: Saikao châta ₹.10,000/- nata MTP Sub-HQ: Saikao ôna chhôh liata MTP Branch zydua châta ₹.3,000/- chyu hlâna a hnei pâ hra.
MTP Sub-HQ: Saikao nata Branch zy vyuhpa ta Puhpa J. Beirasa, President, MTP Sub-HQ: Saikao ta sôh he â hlâh.
MTP Sub-HQ: Saikao nôpawpazy ta zâ pati avaw chhuanoh ei ta, MTP Gen. HQ nôpawpazy ta ama hnoh ta alynabie ama reih.
(PRESS RELEASE No. 4/2020)
Issued by:-
Mara Thyutlia Py
General Headquarters
Siaha