SIAHA, 16 Chhiepa, 2020, Hriaheinoh – Atanoh kha Chakhei Joint VLTF zy ta Siaha town chhôh liata Quarantine Facility Centre (QFC) liata y haipa inmate zy châta Siaha District Level Task Force ku liata ary liata pâsapazy he ama za hlâ:-
- Seih– 1 (Nawh 3 tlapa)
- Vao – 1 (sô 6-pa)
- Awh – 25
- Tho tipa – 407
& Pick-Up trip 1 raihrie - Âhrâ – Bag 6
- Mawmyh hna – Bag 5
- Âro – Bag 3
- Pudina – Pack 10
- Âvidipa – Pack 15
- Hmiahkhu – Bag 2
- Vakao laody(Thothupi) – Ty 10
- Theihiah – bag 1
- Mahô – Pack 10
- Âhli – Pack 1
He nahzy he motor sâ 5 (407 sâ 1 nata Pickup sâ 4) hmâpa ta za phaoh ei ta, Tipa lâ za zipa ta Tipa QFC liata inmate zy châta ahmie awpa ama pie hra.
Siaha liata DC office liata tlôkheipa châ ta, Addl. DC Puhpa Malsawmtluanga nata a hrialâhpazy ta vaw y dy chyu ei ta, Joint VLTF Chakhei hnoh ta alynabie ama reih.
Chakhei biatuhpa MDC Puhpa K. Hrahmô, EM i/c Edu. etc. ta a su liata vaw y dy hra ei.
He khai tawhta ECM College Vaih Achhyna O Kitchen Centre lâ ngaikheipa ta ama vaw buakhei khai.
Chakhei tawhta azâ siepa zydua châta ECM College Vaih Achhyna O Kitchen Centre liata zâpati achhuahnopa châ ta, Joint VLTF Chakhei zy ta ECM College Vaih Kitchen Centre hnoh ta alynabie ama reih.
He ahmie ama za phaopa zydua he DLTF nata Kitchen Manager zy ryraona hawhta rairuahna taopa a châ awpa hawh ta bie daopa a châ.
(Admin, MNN.)