TIPA, 17 Khihpa, 2020, Chutynoh – Atanoh 12:30 Pm pa ta MTP Branch: Tipa Dairy Opi cha Puhpa PP. Zalena, President, MTP General Headquarters: Siaha ta a pahy.
Pahyna Programme he St. S. Beirahnia, President MTP Branch: Tipa Dairy ta chhihtha ta, Machâ HC. Radô, ECM Local Church: T. Electric Awnano Hyutuhpa ta Devotion hmâh ta, cha khai tawhta Puhpa PP.Zalena, Khichhai laipa nata Khichhai zachhihpa Puhpa K. Lalnuntluanga, President, MTP Sub-Headquarters: Tipa zy ta biereina ama hnei.
Programme pachhâ tawhta alyna châta Community Hall liata kyhchhina hneipa a châ.
Atanoh Programme liata MTP Branch: Tipa Vaihpi & Tipa Bazar zy chhao hruapa châ ei ta, Tipa Town chhôh liata Head of Department zy chhao hrua khaipa ama châ hra.
Puhpa PP. Zalena he MTP General Headquarters nôpawpa thokhazy kheihlô ta MTP Sub-Headquarters: Phura chhihthatuhpazy nata MTP Sub-Headquarters: Tipa chhihthatuhpazy ta amâ tyudualâh khei hra.
He Opi pahyna liata Siaha tawhta Artiste Laihsa B. Priskilli nata Tipa tawhta KT. Mara zy ta zawpi ama palôhawh.
(Admin, MNN. Source: Atluapi Azyu, Tipa.)