SIAHA, 22 Khihpa, 2020 – Atanoh (Pakhynoh) dawh 1:00pm khata Mara Students’ Organisation Gen. HQ, Siaha pachhuahpanohpa ta HSSLC result a puapa liata Siaha District chyhsa a taopha patluapazy alykheina daihti I & PR Hall, Council Vaih liata hmâpa a châ.
He alykheina daihti he John M. Beilaisei, Secy i/c Lit & Cul ta chhihtha ta, Puhpa, Lungmuana Hrahu President ECM KTP HQ, Siaha ta daihti pathaona hnei ta, he khai tawhta Puhpa, T. JB. Rona, V. President MSO (H) ta programme pachhuahpanohpa a châna chhâpa nata a peimawhnazy a reih.
He daihti liata Khichhai Laipa Puhpa, N. Zakhai, CEM MADC ta biereina daihti hmâh ta, Hlaotlohna phapa atopa nôpawzy hnohta alynabie reih tua ta, Achuhaipazy khokheina nata ama hmialâ daihti châta pasyuna pha kawpa a reih khai tawhta, eima Khichhailaipa heta Top 7 a châpa M. Beihniarili hnohta daihti ryhpaoh tua chaipa liata Laptop pie awpa a châ zie a reih pâ hra.
He hleikhôta, Puhpa, K. Vanlalliana, Sr. EO, MADC, Puhpa, CH. Beikhochhi, President MSO (H) zy tawhta biereina pha kawpa nata pasyunazy pha kawpazy nahthliepa a châ.
Atanoh ta eimâ lykheipazy:
1) M. Beihniarili d/o M. Beichi, Home Mission, Aizawl (Top 7)
2) HC. Angela Ngohie d/o HC. Chokhu, Mt. Carmel, Aizawl (Dist & Highest Mark in Biology)
3) Emasa Tolo d/o Tolo, Staines Memorial School, Aizawl (1st Div & Highest mark in Business Mathematics)
4) Miranda Vytuchho d/o VT. Beirakhaipha, Mt. Carmel, Aizawl (Dist)
5) J. Mebini Beinôsa d/o J. Thycho, Greenland HSS, Aizawl (Dist)
6) K. Immanueli d/o K. Beili, St. Joseph HSS, Aizawl (Dist)
7) Beirathie Lapi s/o L. Byhnarona, Oikos HSS, Aizawl (Dist)
8) Martha Vabeinonai d/o V. Vb. Byhná, Auxilium Girls School (Dist)
9) S. Beiduasa s/o S. Beiraw, Greenland HSS, Aizawl (Dist)
Atanoh ta eimâ lykheipa, Achuhaipa hlaotlohna pha patluapa a topazy hmialâ daihti lia chhaota atahmâ hlâta tiama via ta, hlaotlohna phapa to lymâ awpa ta MSO Gen. HQ, Siaha ta khokheina eima hlâ hmeiseih.
Sd/- Secretary
i/c Information and Publicity
MSO Gen. HQ, Siaha