SIAHA, 5 Pamih, 2021 – Atanoh dawh 2:00 Pm liata Mara Writers’ Club (MWC): Siaha chhihthana ry liata MHP General Headquarters: Siaha Term 2021-2023 leader zy charge ahlâpa a châ.
Charge ahlâna he Puhpa FC. Chhuasa, President, MWC, Siaha ta chhihtha ta, Pihnô P. Chaki, Senior Adviser ta pavaosana daihti a hmâh. Laihsa B. Prikily nata laihsa Masi B. Hrasai zy ta mopakha ta hla sa ei ta, daihti khaw nawpa nawpta Phnô Nakho Solo, Adviser ta thlah a chhâ.
Outgoing President Puhpa A. Thazi nata President elect Puhpa John Beizachhi phuto zy ta pasyupalina bie pha kawpa reih ei ta, MHP padua laihna dâh nata hmialâ daihti liata MHP châta ama saduthlienazy ama reih hra.
Charge ahlâ khai tawhta Leader thiehpazy alykheina châta nohthlah lana nata zâ pati dôhna ta daihti ahmâpa a châ.
MHP Gen. HQ: Siaha 2021-2023 Office Bearer zy:-
- President – Puhpa John Beizachhi Phuto
- Senior Vice President – Puhpa A. Chhualai
- Vice President – Pihnô Vasty Azyu
- General Secretary – Satlia N. Beichhotha
- Asst. General Secretary – Puhpa AZ. Zese
- Finance Secretary – Laihsa Abisaki Hlychho
- Treasurer – Laihsa Jessica B. Khuhly
- Secy. i/c Information & Publicity – Puhpa K.B. Mara
- Secy. i/c Property – Satlia S. Beihmosia
- Secy. i/c Art & Culture – Pihnô T. Merisa
- Secy. i/c Music – Puhpa C. Reuben
MHP General Headquarters: Siaha leader thiehpazy he ta kô 2 (2021-2023) chhôh ta ama chhihtha lâh awpa Executive Committee Members, Auditor, Advisers nata Senior Adviser zy raona daihti châta târi 7 Pamih, 2021 apahawh ei ta, asu châta Puhpa John Beizachhi Phuto O raopa a châ.
(Admin, MNN)