CHENNAI, 23 Thlazoh, 2021, Hriatuanoh (MNN) – C. Khaihmôsa cha Christian Theology liata Doctor of Philosophy (Ph. D), University of Jerusalem, Chennai tawhta a hmô.
A thesis title he “A Critical study on the Lakher Pioneer Mission in the extreme corner of Northeast India” a châ.
Dr. C. Khaihmôsa he Siasi, Siaha District châ ta, Chennai liata Mara Christian Fellowship liata Chairman chakaona rai vaw hria chiehpa a châ.
Dr. Hmôhmô he, Master of Arts (MA) (Christian Studies) University of Madras, Chennai, tawhta vaw patlô ta, Master of Theology (M. Th) he University of Jerusalem, Chennai, tawhta vaw patlô heih ta, B.Ed he Tamil Nadu Teachers Education University, Chennai tawhta avaw patlôpa a châ.
Tahmâ he Principal, Holy Grace High School, Mising Mission Field, Assam ( ECM ta a paduapa) liata chakaona rai a hria ngâhai.
Dr. Hmôhmô, eimâ ly khei hmeiseih. Abeipa ta a chakaona liata tha patlô lymâ mawh sy.
(Admin, MNN. Source: Dr. Hmôhmô via KL. Vabeihruasa)