SIAHA, 8 Thlarâh, 2021, Pakhynoh – CCI (M) Headquarters (HQ): Saikao ta Myanmar râh buana vâta nochhi Marasawzy, notla Mararâh lâ liata abohna tluapa ta a y haipa Refugee zy baona châta MTP General HQ siepahliepa ta pie awpa ta Rs.57,000/- tlai atamy kha MTP General HQ Opi liata ama vaw hlâ.
He baona sôh he Rev. AZ. Beirôna, General Secretary, CCI(M) HQ: Saikao nata Rev. KT. Beizanga, CCI (M) New Colony biatuhpa zy ta Puhpa Martin L. Nohro, Sr. Vice President nata Puhpa C. Mochono, AGS, MTP General HQ zy ku liata ama hlâ.
Puhpa Martin L. Nôhro, Sr. Vice President nata a hrialâhpazy ta CCI(M) HQ nôpawpazy chô liata alynabie ama reih.
Source: SECRETARY i/c Information & Publicity, MTP Gen. HQ: Siaha